Tinder新增AI功能為客戶選擇最吸引Icon

唔知大家平時喺㨂社交媒體相片嘅時候會唔會㨂到好頭痛呢？特別係交友App，始終都想拎自己最好嘅一面俾人睇。交友App Tinder喺近日就新增咗一項AI「照片推薦Photo Selector」功能，幫大家㨂最適合做Icon嘅相，簡直係選擇困難症人士嘅恩物啊！

根據Tinder嘅調查，年輕單身嘅客戶平均要用33分鐘去㨂自己嘅Icon，「照片建議」功能主要係希望可以減輕用戶喺㨂Icon嘅時間同精力。用戶只需要㨂一張有臉部嘅相又或者直接自拍一張相，就可以㨂返同意授權瀏覽相簿，然後AI就會根據光線、構圖，篩失團體相，再㨂出佢認為最有吸引力嘅一張相。由於每個人嘅審美觀都唔同，所以最後嘅選擇權都係落喺客戶手，大家可以根據AI嘅建議去㨂自己最滿意嘅相。

另外，Tinder會透過私隱保護工具去進行照片識別，所以大家都唔洗擔心AI會拎埋其他資料。呢個功能將會7月喺美國推出，再陸續喺其他地區推出。有咗呢個功能大家就可以掙取更多時間投入喺配對嘅人身上。但係如果係平時冇影開個人相嘅人，就最好的起心肝去影返輯寫真，再等呢個功能幫你㨂相啦！