樓高三層室内遊樂場 超過30項遊戲任玩😱🗯️ [ 心跳頑家超級運動世界 ]

中秋假期同朋友去咗 深圳 龍華區 呢間樓高三層，面積超過8萬尺嘅室内遊樂場😍！只需要一張門票就可以不限次數暢玩超過30項刺激/休閒/娛樂遊戲，啱哂朋友、親子或情侶。呢到特別之處係每項遊戲都可以令你有增加心跳💗嘅感覺，好玩又刺激‼️

✿ 入場費 ¥98起
有2.5小時限時、全日票、親子套票等選擇，最方便係去 大眾點評 購票🎟，‼️無需預約‼️👍🏻👍🏻。

進場先去一樓(地下)前台領取入場手帶，有需要可即場買防滑襪🧦(¥10/對)。入場後有免費儲物櫃，係熱身區熱完身就可以開始遊玩啦😝！

一樓
有多個適合成人挑戰嘅高空項目，包括10米高台笨豬跳、360度自行車🚴‍♀️🚴、90度魔鬼滑梯🛝、高空攀岩、海盜船⚓️等，每個項目都有專員在場指導。老少咸宜嘅項目有桌球🎱、射箭🎯、5D軌道影院、方格大戰🧩等。

二樓&三樓
有多款老少咸宜設施，例如碰碰車🚗、保齡球🎳、跳彈床、海綿池、旋轉滑梯、唱K房、電玩遊戲🎮(PS4, XBOX, Switch)、模擬賽車🛞、籃球機🏀等。

總結
一個價錢一張門票可以任玩超過30個項目，每個項目輪侯時間唔長，室內有冷氣又唔怕日曬雨淋👍。玩完可以行5分鐘去附近商圈「大浪商業中心」，有好多間餐廳又有得購物。快d約埋朋友一齊嚟挑戰吓自己心臟🫀💕💕🤣。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
心跳頑家超級運動世界
地址：深圳市-龍華區-華旺路51號（深圳地鐵 陽台山東站-C1出口）
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/