袁澧林拍電影追夢不談酬勞　愛上打機每月課金數百元

第六屆首部劇情電影計劃大專組得獎項目《電競女孩》今（4號）晚舉行首映禮，主演的袁澧林(Angela）、張蔓莎(Sabrina）、郭爾君、伍詠詩、吳家忻及陳宗澤等演員齊集。Angela表示新片僅花了500萬於4年前拍攝而成，導演投放了長時間搞製作後期。問到當時是否收相宜酬勞？她稱拍電影不講錢，而是為夢想，新片中亦是講熱誠和痛苦追夢，所以她感動外，自覺樣貌也有點不同，有謂現時比當年更靚，她就話：「女仔變靚都係一個過程。」

現時31歲的她最難忘當時用20天拍攝，其中有10日拍攝時間逾20小時，但拍得很開心：「因為大家鍾意個故事，幾個女孩子之間建立咗強烈嘅『革命感情』，拍攝時需要花好多時間喺Cosplay戲服上，廁所距離又遠，所以就算急尿都會忍住，係好多珍貴嘅回憶。」

Angela透露拍完電影後愛上打機，現在她也會為電玩而課金，不過每月只限數百元，又說：「遊戲開發商成日推出好多新衫，自己想喺遊戲中嘅英雄角色有型啲就畀錢買服裝，為咗打機，我要努力賺錢。」在接受訪問期間，她因染流感而不停索鼻，大嘆人生從未試過1個月內病足3次，估計跟上月為電影宣傳，在6日飛了5個地方，體力透支下致病情反覆，亦可能跟天氣轉有關。

同場的Sabrina飾演電競世界中，外表脆弱、不開心但又有型的角色「 灰九」，由於電影早4年前拍攝，她說現再重看演出，覺得5位女主角的樣子都很青澀。除參演外，還跟女子組合Beanis成員張天穎齊為電影創作了4首插曲，她謂：「我哋都有唱埋，所以比其他演員，我更多認識電影，啲歌為期做咗1年時間，但唔係成首歌播晒，只係抽取咗1至2段，始終我哋唔係配樂出身，其他完整配樂就由另一位男仔負責，（啲插曲會唔會再整首推出？）呢方面就要問電影公司，我覺得都有機會，或者由自己公司推出，（對配樂有冇興趣？）配樂同創作音樂完全係兩回事，覺得音樂人朱芸編（COLLAR成員Winka男友）真係好叻。」

Sabrina今次算是首度擔正女主角之一，自爆亦愛演戲，去年更有機會和MIRROR成員Edan合作電影《紙盒藏屍》，她表示：「因為套戲未上，同埋網上好多討論，所以我唔講咁多，（係咪扮死屍？）唔係，我都多戲份，係同條屍係好友關係，自己好期待作品陸續推出。（介唔介意飾演死屍？）唔介意，我以前成日想試吓做殺手或者意想不到嘅角色，但依家任何角色都想試，覺得演戲感覺良好。」身為歌手的她自言沒有「偶包」，角色毋須一定要靚，又說：「正如喺《電》片中，我要戴牙套，角色設定唔係靚女，（可接受性感角色？）我都得架，但我唔係行性感路線，所以唔可以日日性感，身形又唔係婀娜多姿，希望大家留意我嘅演技。」

東網網站 : https://on.cc/東網Facebook專頁 : https://www.facebook.com/onccnews/