Nothing Ear (open) 耳機專業分享： Mandy@AQ Strong：「一試愛上！」

作為 AQ Strong 嘅 General Manager，我嘅日常生活唔單止工作，仲包括我熱愛嘅運動：籃球、HYROX 及各種運動都係我生活中不可或缺嘅一部分。所以喺工作以外，我非常重視訓練，訓練能夠幫我保持身體健康，仲可以提升工作效率。

上年，我打波嘅時候ACL 受傷斷裂。對於一個熱愛運動嘅人嚟講，真係非常沮喪！雖然知道可以透過訓練慢慢恢復，但係康復嘅過程無辦法好似以前咁樣自由郁動，當時個心真係好似穿咗個窿咁！不過「喺邊度跌低就喺邊度企返起身」，所以我好快就收拾心情，開始投入康復訓練，仲喺今年5 月台灣HYROX 比賽中得到組別第三名成績🙌🏼！

陪伴我訓練嘅除咗係一班出色嘅教練、同事之外，不得不提嘅就係 – 音樂真係好重要！

訓練嘅時候，音樂係我不可或缺嘅夥伴。聽歌不止能幫助我集中注意力，仲可以提升我嘅運動表現。研究顯示，音樂可以激發運動的動力，減少疲勞感。

本身我用開入耳式耳機做運動，不過就遇到以下嘅問題：

做運動出汗之後，耳機就會慢慢「跣出嚟」，試過好幾次跑緊步、做緊划艇機、滑雪機嗰陣跌咗落地，其實都幾影響訓練，明明全力衝緊，但就要停低執耳機。

最近，我開始使用 Nothing Ear (open) 開放式運動耳機，一試愛上！以下係我個人覺得好正嘅幾點：

1. 開放式設計：耳機嘅開放式設計令我喺跑步、訓練時仍能聽到周圍環境聲音，從而可以對身邊環境作出即時反應，增強安全性。

2. 舒適度：耳機非常輕身，即使長時間佩戴都冇負擔！

3. 穩定性：設計上能夠穩定地固定喺耳朵上，我喺跑步或其他劇烈運動時都再冇出現跌耳機嘅狀況！

4. 音質：雖然係開放式設計，surprisingly 音質唔錯，咁就可以喺享受音樂嘅同時，唔失去對環境嘅感知。

5. 外形：作為半個外貌協會成員，靚唔靚真係好緊要！好少見到掛耳運動耳機咁靚！呢一點 Nothing Ear (open) 真係贏晒！

6. 無線連接：本身自己見開嘅運動耳機都係掛頸式，Nothing Ear (open) 嘅掛耳無線設計令我喺運動時唔會受到線纜嘅束縛，更加靈活自如。

冇咩事我都係返去戴住佢、聽住Yoasobi（買到演唱會飛🎶）做嘢先啦～

Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/