日本自由行：【長崎萌爆人氣Miffy主題客房常設化！超得意Miffy鏡子/梳洗用品+入住送原創小冊子】

更新於 2024年12月07日09:18 • 發布於 2024年12月07日01:18 • 香港人遊香港

日本自由行︱日本長崎豪斯登堡阿姆斯特丹酒店 Miffy主題客房

日本長崎縣酒店於上年4月，為慶祝Miffy的生日推出的期間限定主題客房大受歡迎，一開賣好快就全部售罄，唔少Miffy粉絲都留意住下一次的預訂日子，而家官方宣佈主題客房「Miffy Room」將會常設化，不再期間限定，滿足想入住的Miffy粉絲！房內除咗抱枕、被單、毛巾換上Miffy圖案，甚至連椅子、鏡子這些設施都有Miffy造型，真係超得意！入住客人仲可以獲贈原創小冊子，裡面有Miffy的房間鑰匙，大家仲可以將小冊子帶返回家！Miffy粉絲唔好錯過！

▲被可愛的Miffy包圍的人氣Miffy主題房客登場，大家可以和Miffy一齊度過一整日！

▲軟萌的咕𠱸、被單、毛巾換上Miffy圖案，真係好用心佈置！

▲椅子和鏡子都是Miffy主題，大家可以享受超得意嘅住宿體驗。

▲房間亦提供Miffy主題的一次性梳洗用品配原廠索繩袋。

▲客人仲可以獲贈原創小冊子，裡面有Miffy房間鑰匙，大家仲可以將小冊子帶返屋企！