Ian 陳卓賢新歌《Thank You Postman》 以書信傳情既老派愛情故事
Ian繼《Lost at first sight》後再推出一首甜蜜作《Thank You Postman》，唱出一段分隔兩地，以書信傳情既老派愛情故事。
「外面有風有光 我穿上薄衣服 騎單車去寄出 你愛收的信」
歌詞由第一句開始已經好有畫面，享受和暖天氣，心情開朗地前往寄信，不計較路途，不嫌麻煩，只求向遠方既愛人表達情意。
雖然一封信篇幅有限，依然想分享所有生活大小事，以溫暖文字維繫彼此關係，短短句子藏著滿滿心意。即使肉身距離遙遠，但內心依然接近，感情絲毫無減。
「我要記低 這些 那些 全部心事 從筆尖話你知 每兩天一次」
現代人溝通方式實在太即時，雖則方便快捷，但缺少咗儀式感同期待過程。交流往往流於表面，快快手敷衍兩句就做返自己野，唔會珍惜彼此對話，畢竟太容易就聯繫到，更莫講細味，深度溝通越見罕有。久而久之，人際關係反而變得疏遠。
相反，手寫信每隻字都花過心思，可以將難以啟齒既說話同感受道出，以真誠打動對方。日後拎返出嚟重溫依然回味無窮，一字一句承載住當時既回憶，歷久常新。依個就係文字既力量同溫度，非常珍貴，短訊或者語音絕對無法取代，有時懷舊一點都係一種浪漫。
「靜候你的訊息 咖啡還未煮熱 乘火車去上班 錯過早餐店」
《Thank You Postman》旋律簡單清新，一把結他配上Ian甜蜜溫柔既聲線，令人聽得舒服窩心。彷似置身郊外，吹住涼風，靜靜地享受音樂，讓大家放慢生活節奏，治癒人心，同舊作《Got U》一齊聽更有異曲同工之妙。
經過豐富精彩既2023，Ian今年繼續尋求突破，帶嚟兩首特別又出色既作品，為樂迷送上滿滿愛同溫暖，期待佢今年推出更多佳作，更期待係講到口水都乾既個人演唱會！
「郵差多謝你知 我心所向 位置」
最後，大家不妨借此機會寫封信比伴侶，無需長篇大論，咬文嚼字，只需將當刻最真實既感受記低就足夠，係一個令彼此感情昇華既好方法。
《Thank You Postman》 Ian 陳卓賢
曲：Ian 陳卓賢
詞：陳詠謙
編：Justin Yau/Ian 陳卓賢
監：陳考威/Ian 陳卓賢
「多麼關注你 但是不會說
無聊的浪漫 情感藝術
心滿意足觀看著 片中的你
我要記低 這些
那些 全部心事
從筆尖話你知
每兩天一次
我會記低 這些
那些 全部心事
郵差多謝你知
我心所向 位置」
▼Follow hkpopculturelover
Instagram: https://www.instagram.com/hkpopculturelover/