Jeremy首挑戰音樂劇　想建立自己演繹方式

男團MIRROR成員李駿傑（Jeremy）6月將首度演出音樂劇《大象的告別式2.0》，他坦言既期待亦充滿挑戰：「今次作品有好多唱歌元素，其實都係我嘅Comfort Zone，反而要練習點樣喺一個大型舞台上，更直接咁將角色呈現畀觀眾。」

講到音樂劇中與強尼首度正式合作，Jeremy難掩興奮：「由《全民造星》開始，我同強尼一直都係主持人同嘉賓嘅關係，今次終於有機會一齊碰撞，相信一定會擦出唔同火花。」他亦表示角色歷來有不同版本，今次希望能建立屬於自己的演繹方式，為觀眾帶來新鮮感。見證Jeremy出道至今的強尼則大讚對方是全能型演員：「佢就好似液體咁，你放佢喺咩容器，佢就會變成相應形狀。」

音樂劇3年後重演，再度演出的強尼笑言曾一度拒演：「之前同黃靖程（小龍）講過唔會再演，因為真係好辛苦，每晚都要掏心掏肺，但最後都係忍唔住接咗今次Re-run。」他坦言始終對舞台充滿熱愛：「喺台上唱歌係一件好過癮嘅事，今次希望可以再唱多啲。」出品人兼女主角黃靖程談到Jeremy今次加入演出，她透露是經花姐推薦促成合作：「花姐形容Jeremy係一個好窩心嘅暖男，合作過就會知道。」她笑言首次見面已經有同樣感覺，認為他有能力發掘角色的另一面。

東網網站 : https://on.cc/東網Facebook專頁 : https://www.facebook.com/onccnews/