新店速遞：【美國果昔Jamba Juice即將登港！35年歷史人氣連鎖店/全球850間分店/主打新鮮即打果昔】
美國果昔Jamba Juice即將登港
召集健康達人同果汁迷！來自美國加州、擁有逾850間分店嘅人氣果汁品牌 Jamba Juice ，正式宣佈4月進駐尖沙咀 ！Jamba Juice主打以新鮮天然食材、穀物等為賣點，製作出靚靚果汁同果昔，完全不加糖、無人工香料、防腐劑，健康滿分！天然水果帶嚟嘅夢幻繽紛色彩，每一杯都係顏值與營養兼備！
▲ Jamba Juice 於喺美國加州開設第一間店，至今已有 35 年歷史，於全球包括日本、南韓、台灣等地擁有超過 850 間分店，早前已開 IG 預告，即將 4 月進駐尖沙咀 K11 Art Mall。
▲ Jamba Juice 一直以來都堅持用真正水果、蔬菜、穀物等天然食材製作果汁同果昔，不加糖、無人工香料、防腐劑，飲得健康又滿足。
▲ 如果參考台灣店嘅 Menu，Jamba Juice 應該會有幾大類選擇，包括：
經典果昔：狂野草莓、搖滾藍莓等人氣款式
活力果昔：組合多種營養食材，如牛油果蘋果、藍莓檸檬
綠果昔：用菠菜、羽衣甘藍等綠色食材打成
期間限定款：台灣上年 4 月推出過芭樂有橙意，初夏仲有檸檬蜜桃綠野仙蹤，期待香港會唔會有驚喜！
▲ 以後行街行到口渴，尖沙咀又多一個新選擇，飲返杯健康又好飲嘅果昔！
Jamba Juice 香港店
開幕日期：暫定4月
地址：尖沙咀K11 Art Mall B101A號舖
文字：香港人遊香港；圖片來源：IG@jambajuice