Mount to Coast R1 輕巧、穩定、耐用長課鞋

一直冇品牌會特別針對超馬推出比賽鞋款，多數參加者會選擇穩定同緩震性能較高嘅鞋款去應付長途比賽。但 Mount to Coast 正正就係以超馬為主打嘅品牌，想必鞋款設計有過人之處去應付長時間運動。

簡單講少少品牌背景，Mount to Coast 喺 2022 年成⽴，專為⾧距離越野同公路跑⼿打造⾼性能跑鞋。2024 年 4 ⽉係美國推出第⼀款產品 R1，係一年幾內，全球各地超⾺跑⼿著住 Mount to Coast 打破左 2 項世界紀錄、14 項國家紀錄同埋 13 項賽事紀錄。其中品牌嘅美國簽約運動員 Megan Eckert 係今年 5 ⽉嘅法國 GOMU 世界錦標賽著住 R1 係 6 ⽇入面跑左 970km，打破前世界紀錄之餘，直頭轟動全球超級⾺拉松跑圈。

筆者今次試著嘅係 R1，係超馬比賽鞋款，前後掌落差為 8 mm (前後掌為 27mm/35mm)，重量約 240g (男 US9)，以針對長課練習嘅鞋款算係輕身。

R1 結構賣點：

• 面料係雙層提花布料，提供兼具出色柔軟度同貼合度，透氣性亦非常好。環保係現今大趨勢，面料成份採用左 40% 再生聚酯纖維生產。另外，鞋背用上一個叫 TUNEDFIT 嘅雙系帶系統，可以係幾秒內分別調整前掌同中掌嘅鬆緊，超馬跑手因要長時間運動引起腳腫脹時都可以快速放鬆。

• 中底技術，廠方命名為 LightCELL，採用左 Peba 混合化合物同時注入氮氣，官方稱比起傳統 EVA 輕 50%，能量回饋增加了 45%。中底採用左 GOFLOW 幾何結構，用中性支撐引導跑手流暢跑步，證明品牌為長時間運動而設計。步行過程中可以感受到腳弓嘅支撐，係長時間運動過程，呢啲細心嘅設計對跑手有係好大嘅支持。

鞋底加入一個叫 ZeroSag，根據 Mount to Coast 介紹，呢種材料係用於跑車懸掛系統，用做所以係特別耐磨，又提供到額外嘅緩衝同支撐。鞋舌及鞋領位為厚身設計，提高包覆感，穿著更舒適。

跑後感

講感受前戴返個頭盔先，筆者本身唔係超馬跑手，但得知鞋款設定後，集中以長課練習去感受體驗；係炎夏底下，筆者教練要求練習距離約 14-16km，速度大約 5:00/km – 5:20/km 不等，一共測試了超過 70km。

練習過程中已感到其闊鞋楦設定令跑手輕鬆面對長距離練習時嘅腳脹問題，TUNEDFIT 系統更可輕易調整前掌同中掌嘅鬆緊，非常方便。筆者京都旅行時，係鴨川跑了共 30km，感覺流暢舒適，中底穩定，但鞋款冇板材，推進力略嫌不足；而路段中有不同地型，沙石、柏油路等，途經時外底亦非常穩定，冇出現跣腳情況。筆者相信高階跑手以 4:30/km 作長課訓練亦唔會有太大問題。

總結

Mount to Coast R1 會係筆者未來長課首選，長課會以舒適耐用為首要，偏好冇板材鞋款，盡量減少長距離練習時對腳部嘅負擔，加上其超馬定位，耐用程度高。如旅行只可以帶一對鞋應付跑步及大量步行，筆者會推薦 R1，但留意返，如走在階磚地上，鞋底會發出「芝、芝」聲，如果環境寧靜，情況略為尷尬，希望廠方未來會改善呢個問題。

Please follow Insports Hub on Facebook & Instagram
https://insportslab.com/
FB
https://www.facebook.com/insportslab
IG
https://www.instagram.com/insportslab/