沙奥尼古斯：只有C朗同美斯兩隻怪獸保持出色表現而我之前受到唔少質疑，好彩有屋企人幫我渡過難關

呢幾年發展麻麻地嘅沙奧尼古斯今季為馬體會8次上陣，當中有5次踢正選，更加為球隊送上5次助攻，暫時除咗係馬體會今季助攻王之外，仲係西甲今季助攻王🙂

沙奧尼古斯最近接受訪問就話「其實無咩野改變到，我一直行緊正確道路，不斷做自己覺得正確嘅事，就同大家一樣。我嘅職業生涯入面，我嘅入波係多過助攻，而我覺得入波先至係最令我開心🥳。」

呢位西班牙🇪🇸中場又話「我點樣面對質疑聲音？就係保持耐性同埋以平靜心態面對，並且同屋企人同埋支持我嘅朋友一齊。老實講，我淨係知道有兩隻怪獸保持出色表現，呢兩隻怪獸就係美斯同C朗😂。」