鮮娛糧︱何猷君4歲細女孭幾萬蚊手袋　未識性已係人生勝利組

已故賭王何鴻燊兒子何猷君（Mario）名模太太奚夢瑤育有一對子女，分別大仔何廣燊（Ronaldo）及4歲細女Romee，近日細女Romee生日，一家人同遊主題樂團慶祝囡囡牛一，奚夢瑤仲攬住細女影相，成家人貴氣十足。

奚夢瑤晒出當日照片，見佢同阿女以白色母女裝出街，奚夢瑤穿上蛋糕短裙，露出纖瘦長腿，Top model確係唔同啲，保養極佳嘅佢又留言：「祝我的小寶貝快樂長大！爸爸媽媽愛你愛你愛你 #生日快樂 #每一歲都珍貴」不過網友最留意係阿女孭喺身上嘅，正正就係奢侈品牌嘅迷你心形斜孭袋，官方同款售價為$53,400港元，而同款同色迷你袋網上價錢介乎$17,000至34,000不等，年紀小小已咁有貴氣，唔少網友都笑言Romee天生係人生勝利組：「有個富豪爺、總裁爸、超模媽」大個一定會閃閃發光。

東網網站 : https://on.cc/東網Facebook專頁 : https://www.facebook.com/onccnews/