根據德國踢球者消息　利華古遜計劃簽多三位球員

#球壇最update

💬今晚將會有利華古遜對桑尼賀夫哥沙柏德國盃第一輪比賽，呢場比賽將會係坦哈格執教球隊第一場正式比賽，坦哈格係賽前記者會表示「盃賽一直都好有吸引力，因為佢係一場決定勝負。而且，我曾經同烏得勒支參加過盃賽決賽，而且我試過三次帶領阿積士殺入決賽兼且贏埋冠軍😎。」

🚨根據踢球者消息，雖然利華古遜今個夏天已經簽咗11位球員，預計其中8位新球員將會留低，所以利華古遜計劃簽多三位球員，從而滿足坦哈格343陣式要求🙂

💥消息指利華古遜希望簽多一位中堅，尤其對西維爾🇫🇷中堅路易巴迪好有興趣。不過，利華古遜仲未同西維爾就轉會達成任何協議，而呢單轉會預計2500萬歐羅至3000萬歐羅就可以完成

🎯消息又指利華古遜希望簽入一位右邊進攻創造型球員，而摩納哥🇫🇷右鋒艾利奧捷被認為係最理想球員，可惜價錢太高(大約要7000萬歐羅)，所以白禮頓🇦🇷保拿洛迪被選擇為後備方案

💣最後指出利華古遜希望簽一位右翼衞，雖然利華古遜啱啱由阿爾克馬爾簽入21歲右翼球員普古，但呢位荷蘭🇳🇱球員被視為一位有潛力球員，唔會成為利華古遜正選右翼衞，而係坦哈格343陣式入面，右翼衞有控球嗰陣其實扮演緊右翼角色

運動