曾展望炮製中學式青澀愛情　葉蒨文：第一吓諗佢會錫我

TVB《女神配對計劃 最後告白》昨晚（9月9日）播出第2集，5位女神繼續爭取於限時40分鐘內、在學校㝷找自己組別的求愛勇者，得到最少分鐘數的五位男生將被淘汰。兩集過去後，5位女神剩餘的限時愈來愈少、還未找上心儀求愛勇者的葉蒨文（Sophie）及羅毓儀（Yuki）愈來愈緊張，完全符合今晚（9月10日）播出的第三集主題—「倒數」。

Sophie雖然面對林堡熙震撼性愛意強攻，但心繫曾展望GM的她，還是決心先行離開四出尋找GM。就在Sophie急到爆炸之際，醒目的GM使出「愛的呼喚」向女神放水，在等候的班房大叫：「唉呀！突然間抽筋呀！」由於聲線極度頑皮兼賴皮，成功吸引Sophie注意：「好彩你嗌咋，我差啲搵唔到你呀。」事後Sophie仍忍不住甜笑回味：「得佢咁傻會咁嗌之嘛，其實我本身心情好沉重，跟住覺得佢真係好搞笑，佢有令到我開心番。」雖然與GM「重逢」很開心，但Sophie竟拿出Eddie送給自己的玉桂狗書包向GM風騷示威，期間還招積地連「哼」兩聲，令GM事後諗番起仍大感氣結，更向製作組重現Sophie的「勝利宣戰手勢」：「佢仲（咁樣）曬（命）畀我睇，以你認識嘅我，都知我一定有呷醋。」

曾被Sophie批評不夠主動認真的GM，今次使盡渾身解數表真心，為Sophie度身訂造「三大重甜第一次」：「愛心飯盒」、「自製13浪漫金莎花束」及「閉眼驚喜」，同時亦獻上自己的三個第一次，難怪Sophie聽住GM的開場白時全程只懂甜笑及傻笑，感覺重返她的學生時代。GM開場白：「今日我準備咗幾樣嘢畀你，都係關學校事，因為我知你本身讀女校，中學應該少啲同男仔互動。」事後GM向製作組透露：「咁難得嚟到學校景，想畀佢經歷吓啲中學嘅戀愛。」

在「愛心飯盒」環節中，直指自己是首度為女生下廚的GM、除準備Sophie最愛的玉桂狗飯盒，還烹煮了一道充滿二人獨有回憶的「Give me a chance蛋餅」，這個回憶殺手鐧一出，即令Sophie笑到樂開懷。另GM準備的「閉眼驚喜」，亦令Sophie心思思，Sophie向製作組坦言有想過GM會否送上深情一吻：「我第一吓諗嘅，係佢會錫我，因為嗰啲（愛情）劇都係咁嘛。」

至於Yuki組的「倒數」緊張情況，比Sophie組過之而無不及。首先被謝家豪（Cyrus）及動漫問答遊戲花掉太多時間的Yuki，在急忙會合Kris途中，竟連番遇上迷路、搵錯地方、落超大雨三大嚴重事故。Yuki擔心Kris因唔夠分鐘數被淘汰，全程除了大聲哭喊兼上演「極速日劇跑」，期間當得悉攝製隊要暫停拍攝避雨時，更一度急得原地自轉三圈，並大叫：「死喇」、「點算呀？」、「依家剩番幾多分鐘？」、「我依家好驚呀」、「吓！點解會咁？」、「其實我個人淆晒底」。

眼見Yuki急到慌亂晒，「金牌媒人」林盛斌Bob馬上伸出愛神之手，他率先安撫等到勁著急的Kris，然後「埋伏」Yuki尋找Kris路上必經之處，大聲呼喊指引Yuki「尋Kris之路」。最終Yuki成功尋獲Kris，恍如隔世的二人更忍不住來個「飛奔式愛的抱抱」，Kris向製作組透露：「同佢相遇嗰刻，我就係情緒到咗，感覺好難先相遇到，唔知點解好想攬住佢。」Kris即向Yuki送上「Sorry」+「內疚」公仔，令Yuki大感黑人問號。