拜仁龍門紐亞超越前隊友湯馬士梅拿，成為德甲史上贏波次數最多嘅球員

🎯拜仁主埸2:1險勝多蒙特，呢埸比賽係39歲紐亞職業生涯第530次德甲上陣得到第363場勝仗，今埸勝仗令紐亞正式超越今個夏天離開拜嘅前隊友湯馬士梅拿，成為德甲史上贏波次數最多嘅球員🙂

💬而紐亞就係比賽之後大讚🏴󠁧󠁢󠁥󠁮󠁧󠁿前鋒哈利簡尼「哈利簡尼真係想點入波就可以點入波，今埸比賽就係頭槌入波，平時就用右腳、左腳、12碼都有入波。簡尼對我哋嚟講太重要，佢唔單止係入波機器，成埸比賽有好多貢獻，又成日返落嚟進行防守，呢樣真係真係好關鍵，因為簡尼嘅投入令我哋攻防更加平衡😉。」

🚨根據德國南德意志報消息，如果紐亞決定同拜仁續約去到2027年夏天，球會內部無人會阻止佢。因為拜仁內部覺得紐亞唔需要再為國家隊效力，身體得到足夠休息，亦都唔會減少傷病問題。消息又指續約係最有可能嘅結果，亦都代表烏比治接班紐亞計劃將會推遲去到2027年夏天🤓