歐倩怡懶理前夫郭晉安傳父女戀 跟仔女話題圍繞吃喝玩樂

歐倩怡（Cindy）近來忙拍攝HOY TV節目《健康關注組》，以營養師身分跟大家分享健康資訊，解答觀眾嘅疑問。對於前夫郭晉安傳出新戀情，她亦沒有時間理會。

Cindy和郭晉安結束18年婚姻已有一段時間，但2人一舉一動仍受關注，郭晉安跟細他37年的港姐冠軍莊子璇傳戀情，Cindy成為被追問對象：「我無留意新聞嘅，因為最近都係忙緊其他嘢，我都唔理解發生咩事，唔係咁方便去評論。」

2人育有一子一女，未知子女有否提過爸爸緋聞呢？她說：「咁又無喎，我同仔女之間嘅溝通，都係圍繞吃喝玩樂。」若對方有新戀情，會否送祝福呢？她說：「呢件事如果真係發生，大家就會知道我嘅反應啦。」

當天同廠錄影的還有朱智賢和吳雲甫，朱智賢早前因愛犬離世，心情未能平復，最近才整理好心情重新上載短片，只見片中她不斷飲泣，還有爆喊場面，她說：「過去嘅一段間，情緒係有啲問題，好難去創作，真係咩都諗唔到，我都好想拍，但完全拍唔到任何嘢，就叫自己放慢腳步，休養一下，因為狗狗過身，我好難過，一直冇做任何網上創作，直至最近收拾心情，重新出發，突然又有靈感，又可以拍片，我發現自己好鍾意剪片。」

吳雲甫邀請她幫手剪片，因自己拍了很多運動教學片，但最怕就是剪片。問到朱朱推出的短片以同居為題，全程有人替她拍攝，難道已找到新歡？她說：「我嘅片一向都係討論兩性關係，講男女朋友，我覺得大家鍾意睇呢個題材，大家都感同身受。攞攝影機嘅係我工人姐姐，大家唔使誤會，我係保持開放態度，大家放心追我啦﹗」

（即時娛樂）