幼稚園相片被翻出瘋傳　宣萱點讚︰咁都畀你搵到

55歲的宣萱，近日因為與古天樂合作電影《尋秦記》，人氣持續上升，更封二人為最佳CP，宣萱並成為圈中唯一敢當面窒古天樂的人。宣萱令人愛戴的性格和笑容，深入民心。近日，就有網民在Threads分享了一張宣萱的幼稚園舊照，天真無邪的笑容，非常吸like，更令人讚嘆是她的笑容多年來不變，一樣甜美。

該名網民，在Threads發布宣萱兒時照時，更附上宣萱一張出活動時笑容滿面的相片，並寫上︰「呢個小朋友，笑容、眼神，咁多年都冇變過，一樣咁可愛。」帖文獲不少網民點讚及留言，一日已經獲8000個like。而宣萱本尊亦有留言︰「咁都俾你搵到」

宣萱的親民及愛心形象，一直獲網民關注，早前年廿九，她便分享接工人姐姐「英姐」，外出食團年飯的照片。英姐是當年湊大宣萱，視為己出的工人，兩人關係如親人，每年有時間都會接英姐出去食團年飯，宣萱更透露今年英姐邁向103歲，而從相片看，英姐依然精神健康，飯後還食雪糕如大細路。