哈利簡尼接受英國衛報訪問就話：我好想贏到金球獎

💬拜仁前鋒哈利簡尼接受英國衛報訪問：

1️⃣會唔會同拜仁續約？

「關於長時間留係拜仁，我完全可以想像呢個情況，而我仲未同拜仁進行過相關對話，但如果出現相關對話，我會願意進行交流。當然，呢個都要睇返嚟緊一年會有咩發展，我哋可以一齊實現目標。我哋依家處於一個幾好嘅時刻，我無考慮到其他野😶。」

2️⃣重返英超可能性

「我都唔知會唔會重返英超，如果你係我啱啱加盟拜仁問我，我肯定會話我會返嚟。我依家已經係拜仁幾年時間，我可能會話重返英超可能性有啲降低，但我唔會話我永遠唔會返去。我依家完全專注拜仁工作，我鍾意拜仁教練，只要我哋繼續進步，我好想睇下之後會有咩成就🤓。」

3️⃣關於金球獎

「我好想贏到金球獎，本質上，金球獎就係一個團隊獎項，由球隊表現最好嘅球員贏得，所以得獎者都係歐聯或者世界盃冠軍，幾乎要有一個完美球季，呢個獎其實就係個人同團隊取得偉大成就累積嘅結果🙂。」

4️⃣關於飲食習慣

「我之前好想知道贏到獎盃之後自己會有咩感覺，反而會迫我做得更好，食得更健康，做更多健身室訓練。我一直都注重飲食健康。只係比賽之後放縱時間減少咗，或者當你同屋企人出去嗰陣食少啲雪糕。雖然呢啲細節睇落好細，但呢啲細節係最高水平會產生重大影響😎。」

▼Follow足球仁
Instagram: https://www.instagram.com/football_yern/