柯煒林首上台演《笨蕉大劇院》　謝幕感動有參演：令我行得輕鬆咗

柯煒林(Will)在7月公佈患上肺腺癌第四期，而本由他演出的舞台劇《笨蕉大劇院》在公演前亦換角，改由余家溢演出該角色。不過Will亦有在後台支持團隊，亦曾在謝幕出場感言。至昨晚(5日)一場，Will終於正式作演出，而官方更公佈飾下場次會由他和余家溢分擔演出。

《笨蕉大劇院》團隊昨晚在社交平台公佈消息：「第25場Happy Friday🙌🏻Will嘅業務用酒粒出場喇！再次多謝大家對Will嘅關心同慰問，佢已經準備好今晚嘅演出！《笨蕉大劇院》團隊依然會以佢嘅身體狀況為首要考量，希望Will能夠有充分休息，所以其後Wilson之角色將分別由Will或余家溢出演，而不作另行通知，懇請大家多多支持及體諒！」
而謝幕時Will更在觀眾熱烈掌聲下感言：「有時覺得唔太好彩患咗呢個病，但亦好彩喺呢個時候我知有呢個病，因為咁啱呢個時間《笨蕉》所有人都陪我渡過。由大家認識我到而家，我都係一個演員，我好少會特意講私人事情，好少提演戲以外東西，我一直知道演員本份，如果唔係有呢個舞台劇，我未必會公佈患病呢件事，但亦因為公佈後得到咁多嘅愛。」

他繼續感謝觀眾，期間開始哽咽說道：「得到咁多愛後，我亦慢慢恢復，我下一步就希望帶畀大家更好作品，唔好話病唔病，我係第一次踩台，而我係俾你哋……你哋魔力真係好大，呢個病除令我學到一些事，在演員事上亦學多咗一課，我可以繼續繼續演下去，因為呢個就係我生活，我會保持生活如常。呢段時間除咗家人，陪我行係佢哋，其實同佢哋唔係好熟……但因著佢哋陪伴，令我行得輕鬆咗。」最後他在台上和團隊擁抱道謝，當中包括頂替他演出的余家溢。