辛尼談離開拜仁原因：想開始全新篇章

💥今個夏天以自由身加盟土耳其🇹🇷球隊加拉塔沙雷嘅利萊辛尼接受圖片報訪問講到點解會加盟「點解我最後無同拜仁續約？隨住時間過去，我諗嘅嘢越嚟越多，我想開始全新篇章。事實上，加拉塔沙雷目標好有野心，呢個項目有強大推動力，所以我睇到自己係加拉塔沙雷嘅未來😉。」

💣根據之前唔少消息，如果辛尼想留係拜仁，呢位德國🇩🇪球員一定要接受減人工，而加拉塔沙雷就提供唔錯待遇。辛尼就話「合約入面嘅經濟因素唔係最重要，但係有一定分量。不過，我係2020年疫情期間轉會加盟拜仁，我都放棄部分人工。對我嚟講，最重要都係要搞清楚職業生涯入面我仲想經歷啲咩嘢，而加拉塔沙雷令我充滿興趣🙂。」

💬記者又問到辛尼仲有冇同拜仁球員私底下傾計，辛尼表示「我最近同哥列斯卡同埋甘美治傾過計，我哋一直保持聯絡。如果方便，我梗係會留意佢哋嘅比賽。我對於拜仁依家成績覺得開心，亦都希望佢哋繼續努力。當然，如果梅斯亞拿同戴維斯重返球隊，我相信拜仁會更加強大🤓。」