台灣好去處：【23天限定！Chiikawa終於游到台灣！2025高雄冬日遊樂園！免費派小提燈！取遊園券攻略+進場方法】

2025 高雄冬日遊樂園｜萌爆Chiikawa御三家登場 免費派小提燈

高雄「2025 Kaohsiung Wonderland冬日遊樂園」有萌爆Chiikawa御三家登場！最矚目嘅當然係化身成為超巨型吹氣公仔嘅Chiikawa同小八啦！打卡一流、影相一流，仲要完全免費入場添！🤳✨ 另外，現場仲會派發限定版吉伊卡哇小提燈，絕對係粉絲必收藏嘅珍品呀！除了有Chiikawa大型吹氣公仔外，同場仲有遊樂園、美食市集、水上活動、親子馬戲等﹐節目非常豐富。

▲超巨型吹氣公仔嘅Chiikawa同小八游到台灣啦！

▲場內共設置25項設施，當中包括6座機械設施為全新亮相，包含旋轉木馬、海盜船、大型氣墊、球池等，把碼頭搖身一變成為「港景遊樂園」。另外更特別設置幼兒氣墊區，2至6歲小朋友都可以盡興。

▲2025年高雄燈會「Chiikawa小提燈」：以精緻紙雕提燈工藝打造。

▲「Chiikawa小提燈」會於2月8日至9日免費派發，大家可到高雄港16-18號碼頭樂園現場排隊領取，一人限領2盞，數量有限，發完為止。想要的朋友要早點到場，小提燈於下午4時開始派發。

▲每日更設有抽獎環節，大家有機會得到Chiikawa小禮物。

▲注意⚠️ 超巨型吹氣公仔有機會因港邊風勢太大，而休息展出，實際情況記得留意官方社交媒體

2025高雄燈會「2025 Kaohsiung Wonderland 高雄冬日遊樂園」

日期：即日起至2月16日
時間：週一至週四15:00-18:00／週五、六、日及公眾假期15:00-21:00
地點：高雄愛河灣及16-18號碼頭（輕軌旅運中心站）
費用：完全免費（需持遊園券入場）

溫馨提示：遊園券喺當日該時段前1小時會喺現場派發，記住早啲去排隊啦！仲有要注意返1月28日除夕當日會休園㗎！

文字：香港人遊香港