旅行最緊要近｜農夫整蠱胡敏芝 學詠春洪拳一決高下

組合農夫、胡敏芝（Karen）在昨晚（2日）播出的TVB Plus節目《旅行最緊要近》裏，去到「一代宗師」葉問的故鄉佛山。他們拜師學藝前先到一間用精品陶瓷作餐具的星級餐廳「醫肚」，餐廳的食品由味道到擺碟都極盡心思。陸永（6永）說︰「參觀陶藝展無乜特別，食餐好都無特別，但呢一度集茶藝、陶藝、餐飲三而為一嘅餐廳，好似博物館開餐一樣。好多人食呢餐飯，就係為咗睇同用啲陶瓷。」

農夫接下來精心安排鹽洞養生Spa行程，鄭詩君（C君）來到鹽洞後向Karen保證︰「見你咁辛苦，諗住慰勞吓你。記住你已經照顧了全世界，別忘了照顧你自己。係時候我照顧你，請你做spa。」Karen被帶到一間充滿鹽味的房間趟在地上，C君用剷將鹽鋪在她身上時說︰「呢啲玫瑰鹽可以幫助你嘅血液循環，放大微絲血管，同時又可以去濕去寒，下世好好做人，睇路喇﹗」被活埋的Karen才知道被整蠱。

3位主持將在今晚播出的新一集到訪由德國籍啤酒師Benny打理的正宗德國啤酒館，Benny教他們斟啤酒3個步驟「一清、二拉、三推 」， 首先清潔好啤酒杯，接住將杯放斜拉出啤酒，啤酒超過了三分二滿時才推直啤酒杯儲泡，就斟出一杯完美德國啤酒。他們又會去到武術之鄉的佛山，6永跟C君不會放過拜師學藝的機會，二人還打算學成之後可以一決高下。6永參加詠春45分鐘速成班，而C君揀了洪拳中的鐵線拳苦練。

（即時娛樂）