謝安琪《50/50》強大曲詞陣容　道出將踏入五十嘅心境

謝安琪喺出道二十年之際，推出作品《50/50》，搵嚟強大曲詞陣容，道出將踏入五十嘅心境。

「平凡日子孤單一個闖 流着未乾眼淚亦強悍 全力去擔當」

快走過半生，面對過無數挫折與難關，想做嘅事大多都徒勞無功，年青時一往無前嘅勇氣已隨年月逝去，快樂日漸變得艱難。

「高峰人生低谷人生裏出發 全部明白了 其實愛無缺少」

慶幸在灰濛中有愛支撐，就算身邊人來來去去，仍然有人不離不棄，帶嚟不少幸福時間，多難捱都能夠負重前行。由曾經太在意得失，慢慢明白到過程比結果重要，即使當中總會有遺憾，但同時留下咗精彩嘅腳印。
心
「誰能沒底線像從前 逆流勇闖 下半首曲繼續 如泣如歌」

走到人生中場，前路依然充滿未知，定會有高低起跌。與其埋首於低潮，倒不如珍惜每一寸光陰，享受每一分快樂，繼續昂首前行，走自己喜歡嘅道路，日後回首無悔就好。

人生無法控制嘅事太多，但我地可以揀如何面對，所謂好與壞從來都係由自己定義。

「重拾自己的信念在這天」

由《3/8》捉緊青春之尾巴，勇敢探索生活，到《50/50》成熟地看待人生。十多年間，Kay更成熟了，樂迷亦長大了，聽完係有份難以言喻嘅感動。

「高峰人生低谷人生我再出發 成就難關裏 成熟了的各種紛擾」

阿Kay嘅作品除咗見證社會變遷，亦屢屢為大家道出心聲。唔少樂迷半生都有佢陪伴，我亦唔例外，唔同階段聽謝安琪嘅作品，總會帶嚟一點新啟發。

「高峰人生低谷人生走過如冒險 絕對不停滯的感動心跳」

未來不論如何，阿Kay嘅作品都會繼續以溫柔歌聲為大家指引路向，療癒心靈。

《50/50》謝安琪
曲: 林家謙
詞: 方皓玟
編: 林家謙
監: 林家謙

「高峰人生低谷人生我再出發
成就難關裏 成熟了的各種紛擾
高峰人生低谷人生走過如冒險
絕對不停滯的感動心跳
面對夕陽面對低潮亦都很低調
只因愛都不緊要」

▼Follow hkpopculturelover
Instagram: https://www.instagram.com/hkpopculturelover/