根據圖片報消息，沙維施蒙斯希望今個夏天離開RB萊比錫

💥根據圖片報消息，RB萊比錫中埸沙維施蒙斯已經同球隊表示希望今個夏天離隊，施蒙斯覺得自己應該係一間歐洲頂級球隊踢波。事實上，萊比錫已經做好準備賣走施蒙斯，之後可以用呢筆轉會費簽入其他球員😶

不過，暫時仲未有球隊對沙維施蒙斯提交正式報價，消息又指施蒙斯最希望重返巴塞隆拿，因為呢位中埸曾經係巴塞接受過青訓。然而，巴塞受到財政限制，並且考慮今個夏天簽畢爾包翼鋒歷高威廉斯🙃

💣根據英國傳媒GMS消息，熱刺有興趣簽入施蒙斯，而施蒙斯都願意去英超踢波。不過，RB萊比錫堅持收返6000萬英鎊轉會費，再加埋施蒙斯依家週薪已經超過16萬英鎊，所以熱刺需要投入大量資金先至可以達成協議。除咗熱刺之外，阿仙奴同紐卡素都對呢位荷蘭🇳🇱有興趣😉