【中環美食】中環人氣打卡餐廳 1111 ONES｜米芝蓮級鎮店之寶！西西里紅蝦扁意粉 6道菜午市激抵登場

中環人氣打卡餐廳 1111 ONES｜米芝蓮級西西里紅蝦扁意粉 6道菜午市激抵登場

中環又多間打卡餐廳推介！位於安蘭街的 1111 ONES Restaurant & Lounge，絕對係近期嘅人氣熱點！呢間餐廳唔單止係唯一喺國際殿堂級室內設計大賽「Restaurant & Bar Design Awards」中獲得金獎嘅香港餐廳，仲由曾喺米芝蓮二星 The Principal 執掌廚房、擁有超過20年經驗嘅陳健忠師傅 (Chris Chan)主理，主打精緻意法創意料理！即日至7月21日期間，餐廳推出全新六道菜午市菜單，等你可以用超抵價錢，嘆到米芝蓮級嘅美食，仲有鎮店之寶——西西里紅蝦扁意粉等你嚟試！即刻跟《香港人遊香港》一探究竟！

延伸閱讀

【中環美食攻略】中環臨海天台酒吧！戶外超醉人浪漫氣氛！嘆地中海菜！必食烤豬腩串+ 和牛他他
【 米芝蓮餐廳2025】上環米芝蓮必比登地中海餐廳JUNO推新菜式！意大利豬肉腸寬管粉+ 炸蟹肉球
【日本神級甜品】Mr. CHEESECAKE登陸中環！全新巴斯克芝士蛋糕隆重登場！

全新六道菜午市菜單 破天荒親民價 $428

全新推出的六道菜午市菜單， 每位只需$428，就可以品嚐到米芝蓮級嘅創新美饌。餐前芝士麵包、開胃小食、精選前菜、滋味湯品、主菜同埋甜品，全部都係Chris師傅親自設計，細緻度同誠意爆燈！全部用上自家元朗農場新鮮有機蔬菜，地道與國際風味兼備。另外，特別推介自家製 Ricotta Cheese 拼新鮮麵包同意大利傳統 Tiramisu，手工用心，令人回味！最正係連星期六都食到，無論係同朋友聚餐定週末約會都啱哂！

▲Ricotta cheese with bread：由本地鮮奶每日新鮮自家製嘅Ricotta芝士，經過層層細緻工序，滑溜中帶豐盈乳香，配上12年意大利黑醋、特級橄欖油同自家種迷迭香，每一啖都充滿層次！熱辣辣麵包一搽上Ricotta，幸福感滿分。

▲開胃小食 Arancini：松露Risotto炸到外脆內軟，咬落香氣四溢，彷如置身意國秋林。和牛他他用美國西冷，配以日本梅汁調味，再加Osetra魚子醬，旁邊仲有自家農場甘筍菠菜脆片，鮮味層層遞進。

▲House-cured Salmon：厚切三文魚配牛油果蓉及脆米，有多重口感。

▲SRF Wagyu Tartare：選用美國和牛西冷並以日本和歌山紀州南高梅汁調味，帶來柔和果香同酸度，提升牛肉香氣，入口清新。搭配Osetra魚子醬、自家農場甘筍同菠菜味薯片，層次豐富。

▲粟米凍湯：湯中加入烤粟米芯及藜麥，增加口感。粟米湯香甜幼滑，甜中帶清爽。

▲Tiramisu：超幼滑Mascarpone芝士配浸透咖啡的濕潤餅乾，充滿濃郁咖啡香。面層灑上可可粉及小脆粒，增加香脆口感，層次豐富。

必試鎮店之寶！西西里紅蝦扁意粉

講到 1111 ONES必食，一定是 超過20多年烹調經驗嘅行政總廚陳健忠( Chris Chan)親自打造嘅招牌——西西里紅蝦扁意粉！Chris 早年喺香港著名意大利餐廳 da Domenico 學藝，潛心鑽研紅蝦扁意粉，將20年心血同經驗，融入每一口意粉之中。紅蝦鮮甜細膩，手工扁意粉掛汁力十足，食過都話回味無窮！而家六道菜午市每位只需$428，+$288就可以升級主菜，享受呢款一生必試嘅鎮店之寶， 保證一試難忘！除了 西西里紅蝦扁意粉，亦推薦大家試 SRF Wagyu， 牛香濃郁，滿口牛脂香氣。

▲西西里紅蝦扁意粉(+$288)，選用意大利西西里島紅蝦，壓出濃郁蝦膏，混意大利車厘茄製成醬汁，層次分明。扁意粉Q彈，吸收海鮮精華，蝦味濃郁，口感彈牙。

▲SRF Wagyu，和牛兩面煎至金黃微脆，牛香濃郁，滿口牛脂香氣。肉質柔嫩，帶適度咬勁，口感豐富。

國際金獎室內設計 打造獨一無二的用餐氛圍

1111 ONES Restaurant & Lounge 嘅室內設計絕對係一大亮點！香港唯一金獎設計餐廳！ 餐廳 設計於國際殿堂級室內設計大賽「Restaurant & Bar Design Awards」中獲得金獎殊榮，呢度嘅環境優雅時尚，每一個細節都充滿心思。無論係燈光、擺設，定係座位嘅安排，都令人感覺舒適自在，絕對係打卡一流嘅餐廳！

1111 ONES Restaurant & Lounge 常見問題

Q1. 1111 ONES 餐廳位於哪裡？ 位於中環安蘭街。
Q2. 午市套餐價格是多少？ 每位$428。
Q3. 有什麼招牌菜式？ 西西里紅蝦扁意粉。
Q4. 是否有晚市套餐？ 有，全新時令10道菜晚市菜單(每位$1288)將於即日起供應。

1111 ONES Restaurant & Lounge

地址：中環安蘭街18號11樓
電話：9835 8606
營業時間：星期一至六：12:00-15:30/ 18:09-00:00 (星期日休息)

「六道菜午市菜單」

價錢：每位$428 (另設加一服務費)
供應期限：即日至7月21日，逢星期一至星期六，12:00-15:30 (最後入座時間13:45)

文字：香港人遊香港