深井青龍頭單車男突揚手切線遭後方私家車撞倒　網民：打燈都要睇後面啦

深井昨日（1日）早上接近9時發生公路單車意外，有單車群沿青山公路青龍頭往豪景花園方向踩行，其間領頭車手突然揮手示意帶隊切線，最終遭後方私家車撞倒，事件引發路權爭議再度升溫。

網上片段顯示，單車隊最初沿左線行駛，至途經過渡性房屋「普綠軒」附近變電站時，領騎者突然舉手示意右切，其餘車友隨即移向右線。惟該名領頭車手疑未留意後方車流，與在右線正常行駛的私家車碰撞，當時私家車已響咹並貼近右邊石壆閃避，惟單車仍被撞至翻側，車手滾地倒地，幸能自行站起。

警方表示，涉事21歲姓曹男單車手手腳及額頭擦傷扭傷，清醒送仁濟醫院，31歲姓朱男私家車司機無受傷。

事後片段在網上引起熱議，多數網民狠批單車隊行為魯莽：「公路踩單車靠左啦」、「揮手就cut線？」「打燈都要睇後面啦」。有人指切線突然而危險，「唔好害司機」，甚至有人建議「立法禁公路踩單車」。亦有少數聲音認為司機亦應留意車前情況，「見到車隊點解唔減速？」

深井青龍頭單車男突揚手切線 遭後方私家車撞倒 網民：打燈都要睇後面啦