消息指，拜仁計劃出年夏天免費簽入水晶宮中堅基爾，已經同球員經理人進行初步接觸。

🚨根據德國天空體育記者Florian Plettenberg消息，拜仁已經開始考察水晶宮中堅基爾，拜仁體育總監艾巴爾好欣賞基爾，並且已經同球員經理人進行初步接觸。拜仁計劃2026年夏天免費簽入基爾，但都要睇返烏柏美簡奴同金玟哉未來去向，而巴塞、皇馬同利物浦都對基爾有興趣😶

💥消息指拜仁密切留意住科隆19歲翼鋒艾馬拉，並且已經將艾馬拉列入下個轉會窗重點留意球員。至於科隆方面已經知道拜仁對艾馬拉有興趣，並且希望出年夏天至少以3500萬歐羅賣走呢位德國🇩🇪球員🙂

🎯艾馬拉今季為科隆6次上陣，當中有2個入波同1次助攻，平均每埸比賽有1.83成功突破對手，艾馬拉可以係邊路製造威脅，為球隊創造進攻空間。作為升班馬嘅19歲年輕球員，艾馬拉今季表現暫時算係唔錯，值得大家繼續留意😉