泰奶茶梳乎厘刨冰！鹹食都超正｜沙田｜ChaTraMue Cafe

係香港講泰地道泰正宗，應該都冇第間超越到佢地，以前細個未去過泰國，都收過佢地嘅茶手信。但自從佢地開到黎香港，就好似冇再收到過，應該因為大家成日都飲到，甚至唔知點解好似變埋香港旅行必飲。

我本身都以為佢地剩係得奶茶店，但原來收埋咗間cafe係到，除咗甜品連泰菜都有得食，仲要搵咗真泰國師父黎主理，小小一間Cafe都認真過唔少泰菜館，而家仲搵到呢款斑蘭小蛋糕添。

-
🍨泰國奶茶飄雪 ($88)
🥞泰茶梳乎厘班戟 ($88)
用上佢地招牌奶茶做嘅甜品，其實都穩陣到唔洗猶疑。前者刨冰睇片都見到，真係會鬆化到粒粒分明，後者梳乎厘蛋香濃又鬆軟，拍得住係日本食果啲。

🍡斑蘭小蛋糕 ($42)
泰國超受歡迎嘅斑蘭小蛋糕，呢排終於係香港見到，呢款都係佢地自家配方，外層微脆，內裡鬆軟又有咬口，散發陣陣斑蘭香，另外仲跟埋醬可以沾添。

🍗泰式海南雞飯 ($88)
而泰國師傅主理嘅鹹食都超出色，海南雞仲好食過唔少海南雞專門店，用雞湯浸煮再用冰冷卻過，肉質非常嫩滑，油飯都充滿雞油香。

🥩泰式安格斯牛肉湯河 ($88)
聽講湯底都係鋪頭現場鮮熬，用牛骨牛腩熬清湯，做到非常清甜，連沾牛肉嘅辣汁都用上6-8種香料，都係佢地自家秘方。

🍖泰式燒肉 ($88)
🥓泰式沙嗲雞肉/豬肉 (4串$78)
呢到仲有唔少小食，見到新出連泰式燒肉都有，可能大家係泰國都食過，呢到都係做到超脆皮；而沙爹串燒都值得一嗌，出邊好少食到呢種街頭豬串。

-
ChaTraMue Cafe @chatramuehkofficial
🗺️沙田沙田正街2-8號新城市廣場三期3樓A327號舖

▼Follow foodiegogoooo
Instagram: https://www.instagram.com/foodiegogoooo/