林家謙回歸廣東歌　《春日部》為大家帶來一點溫度

喺推出首張國語專輯後，林家謙回歸廣東歌，趁近日天氣回暖，以依首《春日部》為大家帶嚟一點溫度。

「望上去 有光柱 腳板底 如舞池 後花園 終於春至」

當每年由寒冬走到初春，終於可以卸下沉重嘅衣物，呼吸溫暖空氣，萬物彷彿恢復生氣，心情都會神奇地變好。

人生其實亦一樣。然而，當我地面對低潮時，就算知道各樣道理，都難免有艱辛無力嘅時候，感覺被黑暗籠罩，每日睇唔到希望，喺放棄邊緣苦苦掙扎。

「我做人一向也只望見各種好 未試過絕望 皆因春天快要到」

不過，就好似冬天多寒冷總會回春一樣，難關必定有日會過去。無需氣餒，緊記你可以選擇擁抱光明，只要相信前面有出口，終點就在不遠處。正面樂觀嘅心態足以將所有問題迎刃而解。

「明明是光暗共存 偏心的我 只將光擁抱」

春天很好，因為你尚在場，未來亦有無數個美好春天等待著你。

「即使冬眠花園似死海 我會笑著來灌溉 青山還在 不需感慨」

林生把聲配上《春日部》療癒嘅編曲，令人聽得舒適自在，有份釋懷嘅感覺。果然依個癲佬特別鐘意突破自己，係要出啲演繹難度咁高嘅歌，仲要每首都保持到個人風格又有新鮮感，犀利犀利。希望嚟緊會出埋講秋冬嘅作品！

「哪一天陽光再度轉暗 先為我所信 為我所愛 再賽」

事隔三年，家謙將會再次喺八月舉辦紅館演唱會，當年現場嘅感動我到依家仍然相當深刻，成功為樂迷創造美好回憶。今次唔知佢會再帶咩驚喜比大家，已經期待夏天了！

《春日部》林家謙
曲 : 林家謙
詞 : 黃偉文
編 : 林家謙 / 蔡德才@人山人海
監 : 林家謙

「即使冬眠花園似死海
我會笑著來灌溉
青山還在 不需感慨

艷陽原地掛起
讓無限生機 湧起來
暗夜全力進攻
都會被春色所涵蓋
面前如日正中
盡情地給照射 不要悲哀
哪一天陽光再度轉暗
先為我所信 為我所愛 再賽」

▼Follow hkpopculturelover
Instagram: https://www.instagram.com/hkpopculturelover/