【東京美食】排兩個幾鐘為吃米芝蓮一星拉麵

我講過好憎排隊，但今次要自打嘴巴，皆因不只排隊，而且總共排兩個半鐘頭，只為吃一碗拉麵，簡直挑戰人類極限。

作為米芝蓮一星拉麵的「銀座八五」，這粒星有吸引力當然亦因為價錢，拉麵貴極有限，千幾円就儲到東京一粒星，又實在值得去試的。雖然付出的不是很多錢，郤要付出時間，這店只得6個座位，一星期開五天，每日營業5個鐘，不設預訂，只能排隊，於是就選擇在六月東京的星期二早上，去為一碗拉麵挑戰極限。

得知銀座八五店舖朝早11點開始營業，於是就計劃10點左右來排，結果遲了些少，約10點20幾分才到達門口。

首先見到店門外只得幾個人在排，開心了兩秒，就望見原來分了兩條龍，另一條長龍在馬路後面，至少20人在排隊等候。

未到11點，店員已經走出來，告知客人大約的等候時間，來到我這個位，店員說預計1點應該可以入去。

下午1點? 即是要等兩個半鐘才有得食，平時的我可能唔等就離去，但今日剛巧安排了的活動就在離這店約10分鐘步行路程，亦剛好於下午1點半後開始，於是就搏一鋪，決定等。

其實一早都預了等位，因此準備了等位四寶，包括: 水、雨傘、尿袋、防曬。

在等候期間，寫了兩篇文章，又覆了一些工作事情，自覺都幾有效率，只不過企得有點攰而已。

等候期間，店員就會要求客人逐個進入店用自助售票機點餐，然後再繼續排。

銀座八五的拉麵就是得三款，原本想點最貴的「特製中華拉麵」(1400円)，郤一時手快，撳了「味玉中華拉麵」(1250円)，就乾脆要這款，店內還有另一名物「燒肉丼」，可惜當日已售罄。

等呀等，店員果然計算準確，剛好在一點前可入座。

銀座八五店舖已指明不可拍攝任何店員，唯有只拍食物，大家也請尊重店家。

因為一早落了單，入座不用兩分鐘，拉麵已經端上來。

味玉中華拉麵擺放得整整齊齊，無論麵條、叉燒、玉子和蔥筍都排列得標準，一個Top shot已經睇得見各樣食物。

喝一口湯，像法式洋蔥湯的做法，湯頭清甜，既有豬肉香又有平衡的洋蔥味，實在清香得很。

叉燒切成薄身，面層有烤過得焦香，肉質郤保持軟滑，有點像慢煮那種質感。

麵條份量不大，麵質分明而爽口，但麵條實在不算特別驚喜。

玉子亦是煮成半熟溏心狀。

一滴不漏地喝光湯汁。

排了兩個幾鐘，郤只用了十幾分鐘便吃完一碗拉麵，雖然並不太趕時間，但想到門外還有很多人在等，實在沒有停留的意慾，吃完便馬上離開。

這碗米芝蓮一星拉麵是否值得排幾個鐘去吃?

銀座八五這碗拉麵確實是十分出色的，每個細節都做得很準確，尤其湯和叉燒是妙絕，只是欠缺了一點人性化的東西，個人始終較喜愛平民少少的店舖，而非這類高檔格局的拉麵，但我絕對沒有後悔排隊來試，只不過一次就足夠，排兩個幾鐘真的幾攞命!

銀座八五

地址: 東京都中央区銀座３丁目１４−2 第一はなぶさビル1階

交通:地下鐵銀座站步行約6至7分鐘

營業時間: 星期二至六 11:00 – 16:00 (星期日至一休息)

Google Maps地點: https://goo.gl/maps/7BsDDgqHvjCkXT9V8

請關注飛叔平台:

Facebook專頁: 飛叔生活 Kelvin Leung

Instagram: kelvinyfl

YouTube: 飛叔Kelvin Leung