【搵食CONY】拉絲吉列豬扒配煙韌冷麵　韓國過江龍銅鑼灣插旗

發布於 5小時前 • 搵食CONY、馮翠怡

當個個foodie都講「開心果」的時代，有沒有人仲記得「拉絲芝士」？它一直默默地努力，更更上一層樓，好像葵涌廣場的人氣拉絲芝士餅「10 Cents Bread」（10分麵包），就於銅鑼灣其中一個美食集中地登龍街開設姊妹店，帶來韓國過江龍主打吉列豬扒的專門店「EVA tonkatsu」。豬肉用上韓國產的最高級「生裏脊」，全部即叫即炸，再加埋招牌拉絲芝士，美味程度令總店設於釜山南浦洞的它們，短短5年已在全韓國擁有50間分店。

CONY又去食吓家鄉嘅味道。

香港店由韓國人主理，確保還原地道風味。除了主打的芝士吉列豬扒，還有咖喱、玫瑰番茄忌廉、芥末等7款口味的套餐，當中的香辣吉列豬扒亦是必試之選，伴以疏菜粒粒，雖然偏辣但酸甜開胃，好適合炎炎夏日食。豬扒都用上里脊部位，即豬脊椎骨旁邊的肌肉組織，是整隻豬最嫩的地方，幾乎不含脂肪，纖維細緻，肉質緊密有彈性。

芝士吉列豬扒套餐，配白飯$148；配麵$158。

澎湃的芝士！

炸豬扒外層酥脆，內裡多汁不乾。

可以沾上特製肉汁，味道更有層次。

香辣吉列豬扒套餐，配白飯$128；配麵$138。

吉列豬扒通常配搭白飯，EVA tonkatsu則帶來不同麵食選擇，包括烏冬、冷蕎麥麵，CONY特別推薦辣麵條，煙韌口感有嚼頭外，加入了生菜、芽菜等平衡炸物的油膩，減少「罪疚感」。套餐同時奉上忌廉湯、前菜、小食如年糕、魚糕、小香腸等，非常豐富大滿足！

大推右邊的辣麵條！

前菜、小食等都充滿韓國風味。

想單點麵類亦可以。

忌廉咖喱烏冬都好打卡able。