周吉佩獲粉絲支持豁出去挑戰勁歌熱舞爆兒子模仿跳舞囡囡一原因唔Like

歌手周吉佩（吉吉）日前到新城廣播接受黎莉主持的《勁爆樂勢力》錄音訪問，宣傳跳唱新歌《GUTS》。繼對上一首輕快歌《Falling for you》要跳舞後，今次吉吉首次挑戰勁歌熱舞，除了粉絲給他動力，最主要是希望帶給大家新鮮感。

吉吉到新城廣播宣傳新歌《GUTS》。

吉吉直言若是過往的自己，絕對沒可能又唱又跳，他說：「上次主要係手部動作為主，今次真係跳熱舞，因為我唔係好想框住自己，尤其粉絲畀我好多動力，以前我真係冇可能做呢件事，覺得攞結他唱歌仲好，但依家豁出去多咗。」

印埋T恤宣傳，夠晒誠意。

他還笑稱可能被排舞師作弄，「佢成日鼓勵我，不停話你跳得好好，又話我進步咗好多，係咁催眠我，令我真係覺得好勁，所以就跳啦！當我唔尷尬時，尷尬就係其他人，咁我又使乜理你感受呢？呢個先係『GUTS』嘛！」

吉吉和黎莉在節目中言談甚歡。

問到子女們可有看他跳舞？吉吉透露兒子很欣賞他跳這支舞，而且跳得比他好，他說：「佢學緊打鼓，節奏好敏感，亦都好鍾意呢首歌，反而囡囡就唔鍾意，佢鍾意慢歌。」

圖片：新城廣播

娛樂