根據圖片報消息，多蒙特希望今個夏天簽入比寧咸同埋卓基

根據圖片報同德國天空體育消息，多蒙特希望世界冠軍球會盃之前成功簽入中場祖比比寧咸，因為細佬比寧咸係多蒙特今個夏天簽人首選，多蒙特計劃今個週末向新特蘭提交報價，而今次轉會費大約係2500萬歐羅至3000萬歐羅。除咗多蒙特之外，RB萊比錫同法蘭克福都對比寧咸有興趣😶

消息又指多蒙特今個夏天想簽埋里昂中場卓基，卓基同球隊只係得返一年合約，而卓基最近亦都宣佈自己有機會踢咗里昂最後一場比賽。根據法國傳媒隊報消息，多蒙特已經就卓基轉會同里昂進行接觸，不過里昂暫時未收到任何報價，球隊高層希望下個月轉會窗開啟之後以4000萬歐羅賣走呢位法國🇫🇷球員🙃

除咗多蒙特之外，利物浦、阿士東維拉、曼城同AC米蘭都對最近第一次入選法國國家隊大軍名單嘅卓基有興趣，而呢單轉會可能會因為利華古遜中場域斯轉會而受到影響，因為最近傳出利物浦都有興趣簽入呢位德國🇩🇪球員😉