網上熱話｜電車女車長人有三急落車上廁所 乘客拍片公審不成反被圍攻

駕駛公共交通工具人有三急不准去廁所？日前有一名男子坐電車，不滿電車女車長駕駛中途突下車去廁所，拍片上網公審，不過他反被網民批評沒有同理心，「人哋有生理需要去個廁所都唔得？」、「搭的士囉咁唔滿意」、「洗果幾蚊當自己係大爺」。車長女兒及後代母解釋事件 ，獲網民力撐。

該網民於本月7日在facebook群組「馬路的事討論區」上傳長約11秒影片，揶揄「好日唔搭電車，宜家啲司機真係勁，揸揸下電車可以劈低部車，走入站長室，完全唔使理啲乘客」。影片可見現場為德輔道西，畫面顯示一名電車女車長正從站長室離開，並急步跑回車上，相信是人有三急到站長室上廁所；而樓主則坐於電車上層，拍下片段公審對方。

網民圍轟樓主乏同理心 「搭的士囉咁唔滿意」

帖文引來大批網民圍轟樓主缺乏同理心，「去廁所都要批鬥」、「人哋有生理需要去個廁所都唔得？」、「人哋都跑過嚟，你估好想行開？」、「都幾X街下，講緊樓主」、「搭的士囉咁唔滿意」、「你搭得電車，都唔趕時間㗎啦！等吓唔使死」、「洗果幾蚊當自己係大爺」、「如果因為咁樣，人哋無咗份工，你會好安樂同開心嗎？」、「我搭巴士試過中途司機要去方便，唔覺有咩問題，司機都係人，人有三急就要去㗎啦」、「有次搭機場巴士，司機開咪話要去個廁所先，幾個人都叫佢快去啦唔好忍住」。

車長女兒解釋事件 獲網民力撐「你媽媽好偉大」

群組管理員翌日（8日）分享涉事女車長女兒就事件的解釋，指她母親當時因尿急需要上洗手間，加上電車車程由筲箕灣前往西環最快需要1.5小時，若然假期多車更可達2小時，「呢個站係西環區佢哋唯一可以上洗手間嘅地方」，她當時急忙跑回電車是不想耽誤乘客時間。

女車長女兒透露媽媽看到帖文後「第一時間係好驚，好害怕做錯嘢」。她指母親一直對工作有熱忱，雖然每日工作10小時以上，但對可以幫助市民感到榮幸。她作為女兒，不希望事件令母親難過；而作為市民，亦不忍有公共交通工具司機受到誤解，希望拍攝影片人士可以刪片，並以後都可以對公共交通司機多一份諒解，又稱「#香港人連洗手間都唔比人去」。

女車長女兒的帖文獲不少網民力撐，「放心，我相信電車上面只有一條友怪緊你媽咪，祝伯母工作順利」、「99%人會覺得係出片者問題」、「支持你媽咪，我哋會體諒㗎啦」、「你媽媽好偉大，佢無做錯」、「去廁所係基本既人權，有需要就去」、「無理投訴，唔該拍片嘅向事主要向電車司機道歉」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)