祖奧菲奧斯：我為咗加盟巴塞隆拿放棄咗一大筆錢，我適應唔到馬體會同施蒙尼嘅諗法，但一直盡力去做

巴塞隆拿借將祖奧菲奧斯接受訪問就話「無錯，我為咗加盟巴塞隆拿放棄咗一大筆錢，但係我需要改變，我需要去一個我可以踢波嘅地方，我一直都話巴塞就係我心目中最理想嘅球隊，依家所有野都順利，我可以搵返踢波樂趣🙂。」

菲歷斯又話「大家都知道足球界，你踢得唔好就要讓返個位出嚟，我之前去車路士，依家去到巴塞，主要就係因為我係馬體會表現唔好，適應唔到球隊同教練諗法，但我一直都有去努力，亦都曾經係馬體會有美好時刻😊。」

呢位葡萄牙🇵🇹球員最後就話「沙維同我講希望我踢得開心，踢出自己風格。當然，沙維都會同我講球隊有咩戰術，但最重要就係佢要求我享受比賽，享受足球帶嚟嘅快樂，而呢樣就係我努力想做到😶。」