何廣沛林正峰載歌載舞　賣口乖氹得薛家燕勁開心

由薛家燕、何廣沛和林正峰主持的旅遊節目《玩轉桂林懶人包》今晚播出最後一集，將體驗觀賞灕江兩岸美景的「興坪遊船」，薛家燕望見灕江，想起年輕時曾和修哥（胡楓）、吳君麗拍攝電影《灕江河畔血海仇》（1963年）的點滴，雖然時隔62年，但對當年的拍攝細節依然印象深刻。

而昨晚（18日）一集，3人品嘗當地著名美食螺螄粉，家燕姐突然表示螺螄粉似足林正峰：「鍾意佢就覺得佢幾Nice，唔鍾意佢就覺得佢…」然後何廣沛加把嘴：「寒酸…總之係孤寒啦！」林正峰七情上面扮介意：「我覺得比喻得幾好，只係我個心硬係覺得有啲唔舒服。」十分搞笑。另外何廣沛和林正峰亦體驗「竹筏遊」，近距離觀賞灕江兩岸景色，他們興奮地在竹筏上擺甫士，林正峰更即興向岸上女子請求幫忙打卡拍照，被何廣沛笑指：「原來林正峰係咁樣溝女嘅！」何廣沛和林正峰這對孖寶兄弟除了互寸外，亦相當賣力哄「皇太后」薛家燕開心，前晚（17日）一集，他們到訪有「天下第一長髮村」之稱的黃洛瑤寨，這對孖寶兄弟更親身上台和當地的紅瑤婦女舉行「成親」儀式，二人載歌載舞，接連被摸屁股，令台下的薛家燕捧腹大笑。

此行他們甚有口福吃不停，包括品嘗路邊攤檔滋味竹筒飯，薛家燕讚林正峰食力強勁：「峰峰，你每次發現都係食啊食啊食啊…不過好啱我！」何廣沛和林正峰出動嗲功，成功氹得薛家燕親自餵食竹筒飯，林正峰更賣口乖：「覺得家燕姐餵畀我嘅飯特別甜！」薛家燕講笑說：「因為有我啲口水！」互動相當搞笑。他們在品嘗以柑桔為主題的「柑桔宴」時，何廣沛說到美食充滿霧氣形容成「仙氣」，林正峰又再賣口乖：「好似家燕姐，仙氣飄飄啊！」當何廣沛品嘗桂式「農家宴」時將「待客肉」塞進口感似豬油撈飯的「鼎鍋飯」時，林正峰竟口快快形容自己「油膩」：「你嗰啲咁就叫邪惡？邊有得（同我）鬥呀？我油膩過你好多！」何廣沛揶揄他：「你係真係油膩過我哋好多嘅！」

東網網站 : https://on.cc/東網Facebook專頁 : https://www.facebook.com/onccnews/