伍仲衡黑雨下應約覆診　斥診所冇開門惹熱議

天文台昨日（8月14日）上午7時50分發出黑色暴雨警告信號，維持大約3個多小時，直至11時10分改發紅雨警告信號。伍仲衡於昨日中午在社交平台發文，透露太太約了覆診，但黑雨期間致電診所卻沒有接聽、「WhatsApp問又冇回覆」，於是他們冒雨揸車到診所，「結果去到診所……冇開！」。

伍仲衡在帖文中寫道：「伍太約咗今日11:45am覆診，由於黑雨，今朝打電話去診所問吓開唔開，但係打咗5次都冇人聽，WhatsApp問又冇回覆……由於約好咗，我哋就照去，滂沱大雨揸車由屯門出尖沙咀，結果去到診所……冇開！而家喺附近食緊午餐，診所都仲未有回覆」。

伍仲衡的帖文在不同社交平台流傳，引起網民熱烈討論。有網民直指伍仲衡冇常識：「原來真係有啲人係無常識。」、「11點10先轉紅雨，啲姑娘醫生都要時間先返到診所，勞工處都話2個鐘內」、「無常識可以其實ok嘅，但收收埋埋啦唔該」、「常識題：黑雨唔使返工，診所點會有人聽電話呢？」、「病人資料係診所，無返工又點通知啲病人」、「佢真係onX唔係扮㗎喎」、「正正因為佢冇同理心，所以佢唔會考慮啲姑娘喺黑雨落咗之後，要幾耐先至返到診所」……有網民提議伍仲衡趁機和太太拍拖：「輕鬆拍吓拖！享受雨中的浪漫！心情自然會平伏」、「祝福伍太覆診一切順利呀」、「慢慢嘆茶先啦」……

現年51歲的伍仲衡，2005年曾在張學友歌舞劇《雪狼湖》的亞洲巡迴演出當鍵琴手；2007年以演唱會樂隊成員身份參與學友光年世界巡迴演唱會。2021年起活躍於TVB選秀節目的評審工作，包括《中年好聲音》系列；2022年與蕭正楠、區永權推出合唱歌曲。2024年1月與女友徐麗芬（Ida）結婚，同年12月，伍仲衡搶先跟同時被TVB看中的《校園好聲音-唱響中國》歌唱比賽冠軍洪心怡簽約，此舉被指得罪TVB，事後被終止合作。