Pony Choi 蔡寶欣出戰 8.31 悉尼馬拉松 | 充滿雨水、汗水與淚水的夏日訓練
自上年11月完成紐約馬拉松後，蔡寶欣 (Pony) 並未停下腳步。在正式投入今屆悉尼馬拉松訓練前，她轉戰山野，更在元朗越野賽中與隊友奪得亞軍。不過，當訓練回歸路跑，迎接她的卻是香港最濕、最熱的「夏日特訓」。
雨水、汗水與淚水
「今年夏天嘅最低門檻，就係就算我跟唔足pacing，都一定要跟足個跑量。」
Pony 坦言，整個夏天集中訓練馬拉松，對她來說是全新的體驗。近一、兩個月，幾乎每次練習都落大雨，她笑言早已習慣，甚至覺得是「中獎」，因為下雨總比酷熱好。
談及最深刻的一次訓練，她憶述:「有一次35度要跑32K長課，計劃大部份都喺運動場完成，差唔多跑到18K時，真係覺得轉到崩潰!」當時又熱又攰，想到還有十幾個圈要跑，Pony 忍不住停下來哭了:「嗰種感覺好差，pacing已經跟得唔足，如果連跑量都做唔足，就覺得自己真係唔合格。」最後，她還是抹乾眼淚，咬緊牙關完成餘下的距離。
在 Instagram 查看這則貼文
備戰悉尼
為了應對悉尼賽道著名的斜路，Pony 教練特別為她安排針對性訓練:「我哋會喺元朗搵啲斜路，上1K再落1K，連續做五次。」
有趣的是，除了看過一些賽道影片外，Pony 並不想過分深入研究路況:「我想去到嗰時先感受，畀自己一些驚喜!」目前她知道，賽道會跑到悉尼歌劇院，景色一定很美。
「其實我仲喺度思考緊，跑步對我嚟講嘅意義係咩。」
由當初為拍節目而接觸馬拉松，到現在成為生活一部分，Pony 對跑步的心態有了很大轉變。她坦言，追不到PB時會失落，但身邊跑友的故事啟發了她。
「我見到一個男跑友，佢好想做Sub-3，用咗好多年時間。佢能力上絕對做到，但每次比賽都因為種種原因失敗。到佢今年終於成功，嗰種感動，令我覺得馬拉松嘅魅力就喺呢度。」Pony 領悟到，跑步成績不是必然，但不放棄地堅持，最終得到的果實會更甜美。
「係咪每次都要咁快做到心目中嘅目標？做唔到就代表自己好廢呢？我覺得未必係。」因此，這次悉尼馬拉松，她的目標是認真完成30K，之後就「不太辛苦地完成」。真正的 PB 戰，將會留在12月的台北馬拉松，在那條充滿初馬回憶的賽道上，再次挑戰自己。
今次備戰，Pony 得到 PUMA 的全力支持。她坦言，因為腳掌較闊，最初也擔心過會否不合穿，但結果喜出望外。「跑42K，真係要揀一對有功能性，但唔可以唔舒服嘅鞋。」
Pony 跑 Tempo 時會穿 Deviate Nitro 3 ，比賽日就會著超輕的 Deviate Nitro Elite 3:「我著住 Nitro Elite 3 跑咗兩課30K長課，完全冇任何問題，同我腳形好夾。」
山上的呼喚
完成悉尼和台北兩場馬拉松後，Pony亦計劃挑戰香港的渣打馬拉松，希望能一嚐跑西隧的滋味，但仍要視乎是否中籤。長遠而言，她可能會投放更多時間到越野跑。
「我鍾意玩山係因為冇咁悶，好似打機過關咁樣。」她笑言，路跑需要極致的冷靜和穩定，而山賽的變化多端，對她來說反而是一種放鬆。「毅行者100公里太長了，我應該還未應付到，未來可能先參加些中短途比賽吧。」後事如何，大家拭目以待。
The post Pony Choi 蔡寶欣出戰 8.31 悉尼馬拉松 | 充滿雨水、汗水與淚水的夏日訓練 appeared first on Fitz 運動平台.