拜仁中埸基拿比新一季轉踢進攻中埸

🎯拜仁係新球季德甲揭幕戰6:0大勝RB萊比錫，近年飽受批評嘅拜仁中埸基拿比係最近兩埸比賽轉型踢進攻中埸有唔錯表現，暫時以2次助攻成為今季德甲助攻王。基拿比係琴晚比賽有86%傳球成功率、45次掂波、3次地面爭奪成功、創造3次機會同埋2次重奪控球😉

💬基拿比接受訪問就話「對住萊比錫有6個入波真係唔容易架，我覺得球隊係今埸比賽展示自己，我哋享受一齊踢球，所以我哋對於今埸表現同結果都覺得好開心。雖然球隊球隊陣容好似單薄，但簽球員唔係我哋嘅工作，我哋嘅工作就係球場上做到最好🙂。」

🤝拜仁教練甘賓尼就係賽後大讚基拿比今埸表現「我覺得基拿比成日都被人嚴重低估嘅球員，基拿比幾乎無弱點，而且一直都好重要，成日都係拜仁重要比賽發揮作用。老實講，幾乎無咩比賽無基拿比入波或者助攻，所以基拿比今埸出色表現對我嚟講並唔意外😎。」