柳應廷海報被嘲「小學生退地」 本尊反擊：全民designer？
MIRROR成員柳應廷（Jer）昨日（9月10日）公佈，將於今年11月30日及12月1日於亞洲國際博覽館 Arena舉行兩場《Jer Lau“The Shape of Breathing”Live 2025》。當眾多「柳柳粉」表示非常期待之際，其演唱會海報的設計卻引起不少討論，有網民認為圖片質素欠佳，直指像「小學生退地」。
經過半日熱烈討論後，Jer今日凌晨在IG story寫道：「真心嬲左（咗）呢個世代真係全民designer？em… 想講張相淨係較左（咗）顏色，用左（咗）Filter，同較唔同地方既（嘅）陰影位。冇大家所指既（嘅）小學生退地，p圖同ai.. 一影出黎第一個version就係下圖咁。btw講野（嘢）前可以諗下背後concept，整piece／背後嘅人，付出既左（咗）幾多時間同心機。btw 你地（哋）所見呢一張相出街嘅相，淨係調整都整左（咗）30幾個version」。
Jer的IG story發佈後，不少網民繼續在threads討論，有人認為：「呢個世界唔會係全民designer，但一睇就知處理得唔好。」、「用得心機多就一定唔可以批評，咩道理？」……亦有自稱曾任設計師的人寫道：「審美眼光人人不同，請大家用多啲時間先去了解創作背後嘅理念先。創作團體嘅心血你可以唔欣賞，但請客觀有禮咁評論，所有創作都係心血。」
設計師Karl Hung昨日在社交平台threads發文，表示今次為Jer設計的3D打印body piece是「近幾次比較複雜的作品」。他透露由於「今次主題是萬物重生，而重構、呼吸、氣流幾樣元素比較抽象，所以他們分別用3種不同的材質效果，以三層設計組合而成，將抽象演化成具象」。不過此帖文已於threads刪除。而Karl Hung在IG亦有繼續分享今次演唱會海報的動態設計。
View this post on Instagram