解風東京2｜杜如風探「打工仔飯堂」 紮馬嘗足料海鮮丼

杜如風（Helen）主持的TVB Plus旅遊節目《解風東京2》今晚（11日）播出新一集，Helen來到有「打工仔之街」之稱的港區新橋，目標是一間被譽為「打工仔飯堂天花板」的海鮮丼立食店。作為海膽控，她率先試食馬糞海膽三文魚籽丼，笑言：「呢碗飯足足有半板北海道馬糞海膽，都係賣1900日圓（約100港元）。」

店主原是IT人，因熱愛海鮮丼而開店，靠打工收入補貼營運，成功打造高質低價的招牌丼飯，更曾獲全國海鮮丼協會金獎。店內另一人氣之選是集齊9款魚生的時令海鮮丼，售價5500日圓（約290港元），Helen笑言因料太足兼食極未完，企到攰要紮馬繼續食！

Helen下一站來到秋葉原，這個昔日宅男聖地如今搖身一變成為文青聚集地。火車橋底一條街雲集逾50間手作職人店。Helen推介一間以舊報紙包裹牛皮製成手袋的店舖，店主遠赴歐洲收集年代久遠的報紙作材料，每件作品都獨一無二。

明晚Helen將介紹一間創於1963年昭和年間的喫茶店，位於地庫，主打俄羅斯風格設計，店內家俱及用品均有逾半世紀歷史，處處皆是打卡位。她試食招牌熱香餅、香蕉芭菲及維也納咖啡，形容味道充滿童年回憶，拍攝當日更是座無虛席。

（即時娛樂）