陳慧嫻出道40年 首次北京開騷 成功搣甩20磅

陳慧嫻（Priscilla）《The Fabulous 40巡迴演唱會》日前於北京國家體育館舉行。原來這次是她出道40年以來，首次於北京舉行個人演唱會。

為了今次北京站，慧嫻落足心機，除了唱出《千千闕歌》、《飄雪》、《傻女》等經典金曲，更特別訂製一套全新黑色西裝泡泡裙戰衣，於最後安歌3首歌登場，成為全新造型，隨後她「解構」新衫的由來，她說：「點解我會揀黑色呢？因為做呢套衫嘅時候，我係有啲肥嘅，哈哈，所以要着黑色。但當套衫做完之後，我已經瘦咗20磅，係呀，為咗呢個騷好努力減肥，我想再減多10磅，你哋覺得要唔要？」歌迷隨即大叫：「唔使！」、「你𠵱家好靚呀！」搞得慧嫻自己也忍不住笑。

雖然於北京開騷，但粉絲是忠粉，每首廣東歌都跟住唱，由《千千闕歌》到《傻女》，全場大合唱，令連慧嫻相當感動，「嘩！好好呀，唱得好好聽呀。」慧嫻表示北京站是巡迴演唱會上，其中最難忘的場次之一，是與歌迷心中不可複製的回憶，這次北京站完美落幕，但「花期」故事仍在，慧嫻將帶她的「花期」主題，於佛山開啟下一站演出。

（即時娛樂）