朱玲玲睇葉蒨文夫婦巡唱　意外向前仆超牙煙

歌手林子祥、葉蒨文嘅世界巡迴演唱會最近去到澳門站，「最美麗港姐」朱玲玲同老公羅康瑞去到現場撐好朋友，勁有愛。打扮Casual嘅朱玲玲戴住口罩低調入場，不過投入睇騷嘅佢喺離開觀眾席時，就發生跌倒意外勁牙煙。見朱玲玲當時舉機拍攝，睇得投入又興奮，但似乎因觀眾席道路過分狹窄，朱玲玲突然重心不穩，成個人向前跌倒。幸好朱玲玲右手扶住前排嘅櫈，再加上多人在旁擁護，而且老公羅康瑞、三名兒子霍啟剛、霍啟山、霍啟仁當時亦跟實佢後面，相信朱玲玲並無大礙。今次亦係霍啟仁榮升人夫後首次現身公眾場合，唔少網民大讚霍家三位公子盡得媽媽遺傳，全家高顏值。

東網網站 : https://on.cc/東網Facebook專頁 : https://www.facebook.com/onccnews/