梁嘉莹初次挑戰微短劇　飾惡女考演技

港姐亞軍梁嘉莹最近初試啼聲拍攝內地微短劇，更要挑戰惡女角色，與現實性格反差極大，挑戰相當大。她在社交網分享劇民國背景為題材的劇中旗袍造型，婀娜多姿。講到首次接觸拍攝短劇，她說：「第一次拍劇覺得挑戰都幾大，就算之前有上過演藝訓練班，都覺得有啲困難，因為真正拍劇同以前上課嘅訓練班係完全唔一樣。」

梁嘉莹指事前也努力做功課熟讀劇本，劇本裏的一字一句也預先練習，以及揣摩角色性格，但到實戰拍攝時卻是另一挑戰，她說：「對我嚟講最難係睇中文嘅劇本，就算有準備，提前練習啲單詞，但係因為短劇係民國時期，所以好多時都會用一啲成語，就算單詞都同平時講O野唔，有時拍攝都會忘記咗個語氣要點講，對我嚟講都幾難。」

講到做惡女她直是挑戰，因角色性和她的真人不同，要演繹一個完全不似自己的角色，相當大挑戰，她說：「短劇體驗好好玩，令我更加期待拍長劇，但係聽人講長劇係唔一樣，係完全唔一同嘅體驗，好期待拍劇。」

東網網站 : https://on.cc/東網Facebook專頁 : https://www.facebook.com/onccnews/