哈利簡尼：我喺慕尼黑真係幾開心，想喺呢度留低一段時間

拜仁琴日係德國慕尼黑瑪麗亞廣場舉行奪冠慶典，前鋒哈利簡尼第一次參加呢個慶典，簡尼接受電視台訪問就話「我係慕尼黑真係幾開心，我嘅小朋友都鍾意係呢度返學。我自己幾鍾意甘賓尼同埋呢度團隊，我覺得球隊啱啱先至開始迎接真正成功時期，而我希望成為其中一個重要部分，所以無人知我嘅拜仁生涯會有幾多年，但可以肯定嘅係我想係呢度一段時間😉。」

哈利簡尼之後被問到有冇學德文，呢位英格蘭🏴󠁧󠁢󠁥󠁮󠁧󠁿前鋒就話「我諗仲要一段時間先至學識，所以我仲上緊堂。不過，我開始對德文有更多理解，但學德文真係幾難，所以我依家會保持低調，或者出年某個時間，我會嘗試講多啲德文😂。」

哈利簡尼之後接受德國天空體育講到拍檔湯馬士梅拿，簡尼就話「梅拿係足球界傳奇，亦都係德國史上其中一位最偉大球員。梅拿係我效力拜仁兩年時間扮演重要角色，我哋都會好掛住佢，除咗掛住佢嘅性格，仲會掛住佢係球場上表現。不過我哋嚟緊仲有世界冠軍球會盃，梅拿都會一齊參加，我會話梅拿係拜仁過去15年成功發揮重要作用🙂。」

▼Follow足球仁
Instagram: https://www.instagram.com/football_yern/