專訪獨立樂隊 COPAK：不要被香港市場定義我們的音樂價值

本地獨立樂隊 COPAK 有三位成員：主音 Wing、結他手 Billy 和鼓手 TszChing，每次出騷表演，第四人就會現身，由話梅鹿阿凌幫手彈 bass。COPAK 以 indie pop、synth pop 風格為主，最新推出專輯《BALLOONS & BUBBLES》，碟名也跟樂隊的音樂風格有關。訪問那天 billy 不在場，阿 Wing 對 Music Ten 表示：「有時候聽到觀眾或者朋友話，覺得我哋嘅音樂好輕身，好飄，甚至比較 sweet 嘅歌，有粉紅泡泡吹出嚟嘅感覺，就好似氣球同 bubbles，可以融合到我哋嘅音樂。」

阿 Wing 形容COPAK 的音樂是充滿色彩，不是悲傷，也不是黑白，給人一種輕鬆、開心的感覺。

COPAK 成立於 2018 年，一開始夾 band 好隨心，成員廿歲都未夠，感覺上所有東西好似一齊玩下咁，沒有任何經營的概念，想做就做，「所以點解啲人覺得我哋之前同而家轉變咁大，一來我哋音樂風格有變，二來成員班底有變動。」

Wing 表示 2021 年才是 COPAK 真正的開始，當時樂隊轉型新風格，「我哋以前玩嘅音樂類型，比較實驗性質，想玩咩就試下玩咩，其實未必係我哋好鐘意玩嘅類型。」回想 2018 成軍初期玩的音樂，大部分都是 Wing 年少時一早寫好的歌，當時心態是「出咗先啦」，反而 2021 年起，三位成員心態轉變，「一定要玩返我哋自己都想聽，或者自己都鍾意嘅嘢。」

重新出發後，COPAK 於 2022 年推出 EP 《FM 74.2 》，無論歌詞和音樂方面，這隻 EP 的浪漫元素都比較重。今年發表新專輯《BALLOONS & BUBBLES》收錄十首歌，所表達的是另一個故事，涉及更多情緒上的題材，每個人如何與負面情緒共處。Wing 直言，專輯後期的歌，希望大家聽的時候，有同樣經歷的朋友，都會有陪伴的感覺。

就如新碟其中一首歌〈Die On The Moon〉主題是講月亮，「我覺得月亮在這首歌中，好似我哋嘅希望，有時生活入面找不到希望，但我們都要去找，但有時真係見唔到，這首歌嘅歷程就係一個失意嘅人去尋找這件事，甚至幻想自己離開了地球，不管佢用咩方法都要尋找佢嘅希望。」去到最後，究竟是這個人死後才找到「希望」，還是他這一生都找不到這個希望，就是這樣的故事。

■ 新碟討論情緒議題

為何想寫情緒？Wing 說，本身自己個性都比較情緒化，容易胡思亂想，所以會聯想到這些題材，另一首歌〈purple sky〉都一樣，旋律是完全不悲傷，其實是很繽紛的一首歌，主要是講有情緒的時候，如何去面對，「我覺得有時應該擁抱這個情緒，呢件事不一定係好 dark，所以我用 purple sky 這個名，唔係好好，唔係藍天白雲，都唔係一個暗黑嘅天空 ，係一個中間點，呢個時候我哋要用一個平常心去看待。」（節錄）

想睇更多音樂報道：follow Instagram ＠musictenhk

https://www.instagram.com/musictenhk

原文刊於音樂網站：music-ten.com