的士業倡回購牌照　周國強再回應「唔係鬥嘴時候」

的士業界近日提倡政府收回的士牌照，每個牌照500萬元。行政長官李家超指需謹慎使用公帑，的士業事實上憑牌照長期獲利。順安車行負責人、智慧出行聯合商會主席周國強回應社會爭議，指現時「唔係鬥嘴嘅時候」，促請政府盡快規管網約車。

周國強回應《am730》查詢，指現時「唔係鬥嘴嘅時候」，在的士牌價大跌下需面對的問題，是政府需盡快規管網約車，「非法嘢唔拉，合法嘢受規管，行家做到冇晒心機，話不如畀個牌政府回收」。他解釋因為有傳媒問到如果回收牌照，應該是多少錢，他才提出500萬元一個牌照，沒有真的提議回收牌照。

「政界唔好小心眼」

對於有政界人士指出的士牌價過往大升，業界沒有向政府分享利潤，現時建議收牌並不合理。周國強揚言「政界唔好小心眼，唔好成日抹黑我哋」。不過，周國強亦指「如果政府做得唔好，影響行業，導致有金錢損失。唔係我，可能會有車主或任何人，唔同持份者要求政府賠償。」

周國強指近日無接獲政府當局接觸，不過他指出「香港愈嚟愈少新聞，成日鍾意對一個行業無限發揮」。他不滿Uber近日接受訪問時建議在每程網約車收取額外款項，撥入基金支援的士業。周國強形容「唔好打矛波，打劫完的士行業補貼你，不負責任」。周國強暫時未計劃有下一步行動，例如是請願行動，希望政府讓網約車平台知道「提供白牌車服務，連網約車平台負責人都告埋。政府可發放訊息畀平台知道『照樣無牌做有牌服務』嘅時代即將終結。」

的士牌價10年跌七成　周國強：全數回購成本對政府「濕濕碎」

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)