[CP值高！鮨鎧‧江戶前風廚師發辦] 🌼🌿✨

作為Omakase控，成日周圍試唔同嘅鮨店，睇下發唔發掘到好嘢公諸同好！🤩

近來我就去咗尖沙咀嘅「鮨鎧」食晚市！店家做緊晚市套餐第二位八折，感覺幾抵食，一於捉個fd陪我試試！

鮨鎧主打江戶前風嘅廚師發辦，菜餚比較多漬製、熟成嘅手法，好考師傅手藝。此外，用料重本，例如拖羅，一律唔用養殖魚，用宮城縣塩釜野生吞拿魚，仲會不時入手當造食材，如秋刀魚、白子、九州八爪魚…..等，整體份量都幾足，不會有唔夠食嘅情況！

非常足料！入面有勁多馬糞海膽、三文魚籽、拖羅碎，食完好滿足！

先嘗蟹膏豆腐，豆腐好滑，加上蟹膏提鮮，幾好。茄子漬正常發揮。煙燻合鴨伴有由芥末子醋及味噌製成嘅醬汁，酸甜開胃。

個人傾向鍾意爽脆生蠔，所以口感好Creamy嘅仙鳳趾生蠔不算我杯茶。店家伴有酸汁啫喱同埋柚子醋同食，有助去膩，整體正常發揮，好食但不特別。

店家好醒咁待茶碗蒸無咁熱時放入鮮三文魚籽，食落先口感卜脆，不帶魚籽腥。蒸蛋好滑嫩，有舞茸菇及瑤柱，口感豐富。

又食到我至愛嘅秋刀魚！師傅細心去晒魚骨，再用八枚切手法，將魚肉切成葉狀，賣相勁靚！用少少醬油、薑蓉及日本萬能蔥點綴，鮮味十足！

店家用火槍炙燒白子，白子外層微微香脆，內裡creamy幼滑！但可能未係好到季節，略嫌白子唔夠肥，膏質未夠。

魚皮經過炙燒，脆脆地幾香，魚脂豐富，同舍利勁夾，味道不錯。

鮑魚花上4-5個鐘鄧製，好軟腍腍及鮮甜。店家貼心奉上鮑魚肝醬及一小團舍利，好好味！

食完咁多凍嘢，有返碗熱湯暖胃好正！呢款湯比較清，解膩不錯。

用上飽滿大條嘅九洲八爪魚製作，因為醬汁係櫻花色，所以叫櫻煮！😂入口軟腍，八爪魚外皮有層膠質＆煙韌嘅「衣」，幾好口感！

以為海膽杯已完，點知原來仲有巨型嘅雜錦太卷！入面有多款魚鮮，好似拖羅碎、池魚、剝皮魚、赤身、羅白漬，茗荷、牙蔥…極豐富！作為一餐結尾真係夠晒精彩！

又到子持香魚季！店家將整條子持魚香煎奉上，非常大方！我好鍾意魚身有山椒味，辛口又惹味！香魚除魚頭，成條都食得，魚春佔魚身嘅2/3，愈食愈香！

榮螺連殼上枱，賣相美觀。榮螺切片，用辣椒油爆香，食上口好惹味。

富山灣白蝦膠質豐富，同香脆嘅紫菜幾夾。

魚肉爽彈，鮮美，正常發揮。

赤身好入味，咸香鮮甜，肉質軟腍，非常高質！

口感香脆，加埋蒜蓉、芝麻，好惹味。

全晚重頭戲莫過於大拖羅壽司！師傅指，今次比我哋嘅係青森野生嘅大畑延繩吞拿魚，仲特別比咗近頸嘅位置，油脂份外豐富架！入口即化，好Juicy，口感綿滑，好食！

非常美味嘅福岡剝皮魚！第一次品嘗呢！剝皮魚魚肉嫩滑，上面又有一少片剝皮魚肝，簡單配上蔥及薑已好好味！讚！

✦ 靜岡蜜瓜柚子雪葩 🍴4/5

靚蜜瓜唔洗講，正！柚子雪葩酸酸甜甜，同樣解膩啱晒！
📍店家傳送門： @sushiyoroi
✾分類標籤
#daydayfoodie_omakase
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：4
🎪服務：4
🕌CP值：4
（*5為最高分）
★－:+:－:+:－:+:－:+:－★

◌ 鮨鎧
◌ 尖沙咀寶勒巷27號東匯商業大廈地舖
★－:+:－:+:－:+:－:+:－★
🎀 記得like埋我，每日放送打卡好去處！📸
http://www.facebook.com/daydaycheckin
http://www.instagram.com/daydaycheckin
💗ᴿᵉᵃᵈ ᴹᵒʳᵉ
https://flowspace.hk