跑步與人：Luke

1. 跑步年資？為什麼開始跑步？

2016 年開始，當時保險送咗個body check，唔check 唔知原來自己三高邊緣，於是決心減肥，由最初跑100 米都想死到慢慢愛上咗跑，我最重時有220 磅😂，成個有頭髮嘅阿Bob 咁呀大佬！

2. 有沒有跟跑會或教練跑？選擇原因？

最初跑過 Tim Sir，再之後跟過火車站，但因為 Covid 變咗自己跑，近呢大半年就開始跟 Oxyone 嘅路跑同越野跑班。跟跑會原因係一個跑得快，一班人跑得遠，成班同學又可以互相傷害又可以一班人好熱血咁衝圈，完成到辛苦嘅 program 係好滿足！

3. 喜歡跑山還是路跑？路跑跟山跑有什麼不同感受？

其實兩者好唔同，路跑就會好集中咁去跑一個距離，比較少去留意周圍嘅風景。個人就比較鍾意跑山多啲，因為變化較大、風景較多，有時慢落嚟可以欣賞一下大自然嘅鬼斧神工，係好開心嘅事！

4. 最喜歡的練習場地（原因？）

屋企後花園，即係金山、針山一帶，因為路線變化多，練習更多元化，隨心跑都可以操返 10幾 20K。

5. 有沒有因為跑步而放棄了其他運動？

少咗重訓同做gym，要努力返啲先得😂😂，仲有就係基本上冇再打籃球囉。

6. 最深刻的一場賽事？原因？

第一次玩毅行做隊長，因為成班朋友有講有笑有淚，四人八腿一心完成，雖然當中有遇到好多難關，例如其中一個女隊友上緊針山時突然有每個月嘅身理週期，我地三個大男人就輪流推佢背上山，等佢冇咁攰。

7. 最想到外國哪裏跑比賽？山賽定馬拉松？

最想去跑 UTMB 或 CCC，因為作為越野跑者一生人點到要完成一次。

8. 跑步對人生有沒有幫助/改變？

有呀，身體健康咗，病少咗，另一半話個老公靚仔咗，所以話每個肥仔都係潛力股 😂😂！

9. 有沒有跑步傷患？如何處理？

大大小小都有，最慘係條 ITB，都係靠拉筋，針灸同物理治療。平時保養都好重要，我相信個個跑者都想長跑長有。

10. 跑步聽什麼歌？

主要係女團，COLLAR 同 Lolly Talk😍，對我嚟講係超級動力。

11. 跑步途中會想什麼？

放空最重要😝，我諗大家都唔會想喺跑緊步時仲諗工作上嘅嘢啩？

12. 影相最鍾意擺的姿勢？*要附照片

背多Fun相😂😂同埋低炒。

13. 現時跑步目標是什麼？

下次 HK100 可以 18 小時內完成。

最後一題) 有什麼社交媒體可以找到你？

IG: luketsau
FB: 路加利。攝太帥。

運動