鄭仲軒童星變大隻佬　邀TY拗手瓜：只得他有機會贏我

童星出身的鄭仲軒(Eric)，當年一句「打波先嚟落雨，唔通連個天都唔鍾意我？」講到街知巷聞，他長大後未有在幕前發展，反而熱愛健身運動，如今已成為Fit爆的「超級健身教練」，更是IFBB職業選手，這個資格需要贏得業餘比賽的全場總冠軍，進而參與職業比賽。他已由當年「純情四眼仔」，狂操Body變成手擁有麒麟臂的肌肉男，令人刮目相看。

最近Eric報名參加全港最大型拗手瓜比賽「UA Finance香港國際腕力公開賽2025」，並連同另一位參賽者有「爆肌李敏鎬」之稱的健身教練Henry拍攝宣傳照。對於今次比拼拗手瓜，Eric又金句上句：「其實落雨又有咩好怕喎！」，勝負乃兵家上事，最重要是玩得過癮，難怪Eric公開挑機「娛圈爆肌王」Tyson Yoshi參賽，一決高下。他說：「如果要在娛樂圈搵對手，我想同Tyson Yoshi拗手瓜，因為我覺得在娛樂圈中，只得佢有機會贏到我，事關我知佢係『自律之鬼』，嚴控飲食同勤力操練，好想同佢切磋一下。」

東網網站 : https://on.cc/東網Facebook專頁 : https://www.facebook.com/onccnews/