上環美食：【米芝蓮必比登地中海餐廳推新菜式！意大利豬肉腸寬管粉+ 炸蟹肉球】- JUNO

更新於 06月03日22:17 • 發布於 06月03日14:17 • 香港人遊香港

2025年米芝蓮「必比登」推介｜上環JUNO地中海餐廳

呢間位於上環榮獲2025年米芝蓮「必比登」推介，憑意大利與地中海風味菜式，打出名堂。餐廳環境以牛油果綠配金色線條外牆，室內橄欖綠與粉色調、大理石料理桌，充滿浪漫又chill的氣氛。其擺盤精緻的吞拿魚蛋黃醬泡沫一向高踞最受歡迎位置，蛋裹填滿吞拿魚蛋黃醬配三文魚籽，視覺味覺雙重享受！而餐廳最近更加入一系列新菜式，好似意大利白酒煮蜆、炸蟹肉球、伊比利亞肉丸、意大利豬肉腸寬管粉、香煎鴨胸等。當中炸蟹肉球外脆內嫩，蟹肉絲混帕馬森芝士，鮮甜加芝士香味道有驚喜。另一意大利豬肉腸寬管粉，煙韌寬管粉搭濃郁蕃茄醬加入辣椒粉，惹味過癮。想慢慢歎仲可以試下全新的週末早午餐套餐，weekend chill住歎地中海風情！

▲意大利白酒煮蜆，蜆肉非常肥美，味道鮮甜又有白酒香，配香脆烤法包片。

▲炸蟹肉球，將經典口味改良，填滿一絲絲蟹肉和帕馬森芝士，配檸檬蛋黃醬，口感層次分明。

▲吞拿魚蛋黃醬泡沫，蛋裹填滿吞拿魚蛋黃醬口感順滑，再以三文魚籽點綴，濃郁惹味。

▲吞拿魚他他，吞拿魚蓉配檸檬西柚味醂汁配薄脆片，酸酸地幾開胃。

▲伊比利亞肉丸，肉丸不死實配羅勒醬、芝士和濃郁蕃茄醬汁配脆包片。

▲意大利豬肉腸寬管粉，採用意大利寬管粉，大大粒的寬管粉口感煙煙韌韌。配意大利香腸、煙肉、濃郁蕃茄醬汁及辣椒粉，少少辣好惹味。

▲香煎鴨胸，鴨胸皮煎得香脆配蘆筍和香橙啫哩，增添清新的柑橘香氣，平衡濃郁鹹香的鴨肉。

▲意式奶凍，口感棉滑，充滿奶香。

▲蘋果撻，表面淋上焦糖醬配香焗蘋果配雲呢拿雪糕，一冷一熱口感豐富。